【衛冕魔咒】德國出局引證打假波？網民：「輸就輸啦！」

歷史告訴我們，只有 1938 年的意大利，以及 1962 年的巴西，能夠成功衛冕足球世界盃；近 20 年的衛冕球隊更慘不忍睹，除了巴西外，其他都遭遇滑鐵爐。包括：2002 年的法國、2010 年的意大利、2014 年的西班牙，上述三支衛冕軍，最終都在難逃厄運，於決賽周分組賽出局。

因此今屆世界盃決賽周舉行之前，已泛起一片「歐洲魔咒」的輿論，即歐洲球隊若奪世盃冠軍，翌屆都要小組出局。2014 年世盃冠軍德國，居然逃不過魔咒，剛於分組賽第三輪敗走韓國，分組賽排名榜末，提早結束今屆世盃旅程。由於世盃涉及博彩，這樣的結局，難免引起「假波疑雲」。

【精選消息】

在德國隊輸波出局後，網民「普通話」於香港討論區發帖，題為「德國出局引證左打假波?!」。他表示：「意大利 06 贏世界盃 10 分組賽出局、西班牙 10 贏世界盃 14 分組賽出局、德國 14 贏世界盃 18 分組實出局。全世界既投注額大到大家無法估計....亦都有可能政治原因? 被命令唔可以贏波。」

他續稱：「如果有睇德國對瑞典果埸波 , D 球員下半埸要贏既決心好大, 不停出波。呢埸上半埸簡直係好似無心踼咁 , 下半埸得返 20 分鐘先扮下發力咁....真係好奇怪，睇左好多年德國 , 呢隊真係 0 鬥心。係咪俾人威脅唔贏得波 ?!」

【精選消息】

網民有 says

題材如此敏感的帖子，吸引網民熱烈討論是常識。網民踴躍留言，立場並非一面倒，有撐樓主，也有反對不科學的魔咒論。網民回應，節錄如下：

贊成派

• 唔係無可能，今場 hea 得過份，明明贏一球都唔穩陣
• 世界盃總投注超過幾百億有假波唔奇
• 意大利直頭今屆出唔到線踢世界盃，可能都係假波。
• 上屆有助力捧杯，下一屆要還掛
• 代表 自己國家隊 其實有冇週薪，世界盃冠軍 獎金 其實多唔多
• 莊家表明 d 名牌球隊唔準贏盤
• 輸盤越多者就獎勵世界盃冠軍
• 德國前鋒，個個高大，點解每次頭球攻門都高出？因為要幫韓國仔解圍

【精選消息】

反對派

• 輸就輸啦
• 去看醫生吧
• 同意，全入青山
• 次次赛果出人意表就話打假波。啲人真生草藥。
• 樓主.以你小島心態.你不可能明白當在國家面前.全國國民睇住你時，你就會勇往直前，為國爭光！呢種榮耀.不是任何人都有.政治？天大笑話！樓主你有冇見到每隊每個球員唱國歌時激昂，當唱國歌時你本人有冇尊敬呢？如果冇就不用回答我。

分析派

德國 如果出 洲際盃 果班球員，起碼入到 16 強以上，拜仁前鋒 華拿 咁有心打 世界盃 又唔選 路維 要立即炒 今屆 德國 個組根本唔難打，竟然排包尾，你地班球星究竟搞邊科

感性派

• 接受唔到輸比南韓，仲要南韓分組賽連輸兩場
• 只能講~一代新人葬舊人~

Source：香港討論區