電腦技術員、臨時工、每周 6 天工作、津貼 HK$7,600，正在求職的你，有興趣應徵嗎？網民 tailo88 日前在香港討論區發帖，題為「咁既人工, 我不如去羅綜援好過啦」。隨帖子附有一張圖片，目測疑似一則勞工處招聘廣告，要求待遇如下：
僱主
該招聘廣告發布於 17/07/2018、招聘電腦技術員、性質為臨時工、僱主名稱為「數x科xXX有限公司」。
職責
職責包括： 電腦維修、客戶服務、需外勤、軟件、硬件安裝。
要求
有乜要求？包括：中五程度、良好粵語、一般英語、懂讀寫中文、懂讀寫英文、具有基本電腦操作知識。
待遇
待遇是咁的：「試工津貼 $7,600」。
工時
工時呢？星期一至六上午 9 時半至下午 6 時半、每週工作 6 天、一個月試工期、每天工作 8 小時 (1小時午膳)。
【精選消息】
樓主表示：「香港到底搞緊咩 ? HK7600 一個月, 請問可以羅黎做乜 ? 咁既人工都可以開得出 ? 7600 仲要一個星期返 6 天, 我真系唔粗口呢間野, 都對自己唔住。」
網民：「低過最低工資，扮津貼請人」
小記都睇到汗顏，粗已爆。如此惹火的帖子，吸引網民熱烈討論是常識。發帖僅一天，截稿前已贏得 24,378 個點擊率、238 則回應。對於 HK$7600 招聘工作 6 天的電腦技術員臨時工，網民紛紛表示嘩然。有網民突破盲腸：「低過最低工資，扮津貼請人」、「仲叫津貼，不是人工」、「臨時工仲要試有無病呀」。樓主唏噓：「分分鐘一個鐘頭食飯時間都唔計」。
有網民驚爆：「樓主賭一場波都吾止呢個數啦」！樓主面青：「我邊有玩咁大呀」。
【精選消息】
有網民指出：「呢啲係唔知乜乜計劃，揾 o靚仔笨_嘅。」（文字經過處理）樓主慨嘆：「咁都要俾人過到日子架, 10 年前 IT, 最衰都有 8000, 而家仲衰過之前。」
【精選消息】
其他網民留言，節錄如下：
- 衰過深圳 D 人工
- 我是大陸仔 2001 年係香港腦場做個濕 9 Sale 屎仔, 只是 4000 蚊.
- 以前呢啲 pk 工，有啲 pk 僱主，只是想申請外勞，什麼香港請唔到人
- 痴_線，衰過做乞兒！（文字經過處理）
- 啲無良僱主 搵鬼做咩
- target 緊最兜踎嗰批年青人。。。一定有案底嗰啲
- 師子山精神，冇錢鬼九可鄰。
- 啲僱主搞下氣氛
- 點生活?一個人一萬 4 千蚊就夠
- 好多呢啲_街公司，希望呢啲老闆性無能（文字經過處理）
- 知道香港人工追唔上，但呢個價好似係掉轉唔係向上而係向下。除左講無良之外我都唔知講咩。。。
- 勞工處好多呢種工 請中五以上程度 人工 7600
- 車！唔洗理佢咪得囖，洗咩勞氣丫？？？對不對？？？？？
Source：香港討論區