世人常認為拍拖只是一對情侶，兩個人之間的事，但如果大家是有伴侶的話，你就會知道拍拖並不是兩個人的事，感情好與壞，也會關乎到父母等長輩的。只因最近有一位絲打在網上討論區發了一篇長文 post，內容提到自己跟男友及其家人一同去英國旅行接近一個月的辛酸史，當中不只提到男友父母的行為，讓她吃不消、甚感難受，在旅程期間哭了多次外，更直言「好好考慮下繼唔繼續同我男朋友一齊」。
【精選消息】
【精選消息】
6 大旅程「經典事蹟」
由於這名絲打的訴苦 post ，實在 too long can’t read，現以點列方式概括她跟男友家人去旅行的「經典事蹟」。
- 男友父親全程有怨言
如去到不合心水的景點，男友父親會直指：「吓！咁嫁咋？」、「都冇嘢好影嘅！」等負面說話，甚至有次因為看景點時間 over run，及後在餐廳吃午飯時，絲打表示「應該趕唔切去之後個景點」，男友父親便斥：「你明知要去第二個景點，你就應該之前個啲冇咩野好影就快啲走啦，影條街有咩好影啫，仲要影咁耐！」，而這時，男友母親也幫口責備絲打。
- 絲打沒做錯反被指責
離開餐廳後，絲打離遠聽到男友母親罵自己小器，忍不住哭出來，之後男朋友叫絲打上車繼續行程不成，就強行拖上車，最終被外國男人見到及表示要報警。其後兩老趕至，指住絲打大鬧：「你真係好煩！」、「點解你咁麻煩嫁啫！」
- 男友母親不尊重絲打
絲打有份計劃行程、付旅費，但外出食飯卻不會吃自己想食的東西，原因只是「男友母親唔鍾意食」，但男友母親見到自己喜歡吃的東西，那怕當中是否特別都會照買如儀。另外，男友母親煮 4 人份量的西蘭花湯，分配時一碗明顯較多、一碗明顯較少，絲打以為男友母親會將剩下的湯分到湯量較少的一碗，但男友母親選擇將之分到較多的一碗，然後將最大碗的留給男友父親，將最小那碗分給絲打，出現分配不均的情況。
- 男友母親視絲打為傭人
男友父親因為外出吃飯費用高，因此想買東西回到酒店煮食。惟每次煮食都是絲打負責，洗碗，甚至照顧兩老都是絲打一腳踢，但所有人沒存任何謝意。
- 男友母親無故發絲打脾氣
去到其中一個景點，男友自己走開，只剩絲打及兩老同行，但後來兩老不見了，幸好絲打及男友都能找到兩老，惜男友母親責備「都唔知行咩一個二個都唔知行去邊，咁鐘意自己行」。重點是，男友母親只對絲打發脾氣，但對着男友父親、男友，卻是笑笑口的。
- 兩老貪小便宜、不問自取
男友父母帶走酒店民宿的所有咖啡、茶包、糖，又裝起所有沖涼液、洗頭水。有次絲打想自己 keep 一套梳洗用品，以便不時之需，但兩老卻不問自取地取去之外，男友母親更單打一句：「好彩呀爸有袋起啲沖涼嘢，你哋先有得用咋！」
【精選消息】
【精選消息】
網民強烈建議分手
雖然這名絲打的訴苦 post 實在太長，但相信不少網民是抱以「食花生」的心態，將之看過一遍，然後激烈討論一番。雖然有網民以為絲打只是一名毒絲，要靠 FF 讓自己感覺良好，但有大部分網民均不值絲打男友一家的所為，更強烈建議絲打跟男友分手，因為即使日後會結婚，「都唔會開心」。以下為精選網民留言：
無慮即分
- 自已攞嚟，揀著個唔維護自己嘅男朋友，分手係最好辦法
- 分手，仲要 X 醒你男朋友唔好做裙腳仔
- 結咗婚就要忍成世添，如果男朋友冇幫過你，都冇 X 用啦，早日分手早甩難
- 你男友咁都無幫你？飛得啦！我係你中途就走啦，仲忍兩條廢老同裙腳仔
- 拍拖到結婚真係唔係兩個人嘅事咁簡單，絲打如果仲有青春就快啲搵過個啦
需慎重考慮「前途問題」
- 認真絲打你要好好考慮日後點面對佢兩老，你哋拍拖佢哋已經使到你咁，結咗婚仲用唔到你盡？
- 結咗婚都唔會開心，要同男朋友傾定如果要結婚，一定要有經濟基礎容許搬出去住。之後有咗 BB，關係就大轉變，到時你就無敵了
- 睇左咁耐都見唔到你條仔有出過一粒聲。唔分手你嘅痛苦就係一世，自己諗
- 你男朋友係咪廢到咁？個女朋友俾人蝦到咁都唔岀聲，第時結咗婚對住佢老豆老母你真係有排受。俾我實 X 佢、佢老豆老母，我阿媽生我岀嚟俾你蝦㗎?
事後才自怨自艾，於事無補
- 自己死忍唔出聲唔為自己爭取怪得邊個？睇完成篇淨係感覺你自己受完氣又唔敢講自己谷住谷住上嚟發洩，係我一早自己拎走張機票一個人去埋個旅行佢啦，冇錢 book 過間酒店咪夜晚返去瞓，使鬼受佢地氣？
- 有冇同男朋友提出過自己嘅想法先？
- 做咩唔當面 XX 佢？
Source: lihkg