據多間本地傳媒報道，國泰波音客機近日將經濟客艙座位佈局，由原有每行 3-3-3 的 9 座位，增至每行 3-4-3 的 10 座位設定，座位闊度由原有 18.5 吋縮窄至 17.1 吋，當中已有 7 架波音 777 客機完成加裝座位工程，並已在三藩市、倫敦、悉尼及名古屋等長短途路線投入服務。國泰預計將於 2019 年底，完成旗下全部 65 架波音 777-300ER 和 777-300 客機的改裝工程。消息一出，當然不論空中服務員及乘客都表示苦不堪言，據調查發現，4 成員工稱在航機爆滿時，需花 3 小時才能完成整個餐飲服務派送程序；乘客也需花更多時間才能使用洗手間之外，座位上方放置行李的空間亦不敷應用。
【精選消息】
【精選消息】
廉航都好坐過國泰
國泰波音客機加位措施一出，似乎只有國泰才是大贏家，多賣機位令收入增加，但對於空中服務員及乘客而言，似乎沒有從新方案得到任何益處。有網民看過報道後，直指：「廉航質素又唔賣廉航價錢」、「國泰呢幾年真係愈來愈 off」，甚至有網民有感：「廉航都好坐過佢，都唔明 CX 除左登機近啲之外仲有咩吸引」。雖然有網民力撐國泰是商業機構，「賺到盡又真係天經地義架喎」，但隨即有網友反駁：「唔只係賺到盡，係賺多咗，價錢同質素根本唔成正比，仲要係差好遠個隻，不如坐廉航」。
3-4-3 排列已成主流
其實在網民討論之中，都有提到國泰將波音 777 客機的 econ 座位改為 3-4-3 排列，是不夠人道，「三藩市坐 12 個鐘真係想死」，之不過以上措施確實已成主流，不少大型航空公司，例如：法國航空、聯合航空、長榮航空、卡塔爾航空等，都有類似安排。
精選網民留言：
- 雖然派餐要 3 個鐘真係好似吹大左，但國泰呢幾年真係愈來愈 off，加位會更加舒適真係莫名其妙。仲有頭頂行李架，我試過遲少少上機 ，頭頂果個行李架比前幾行霸晒。
- 廉航質素又唔賣廉航價錢。
- 坐位太窄真係好辛苦，尢其是我呢啲高大威猛。
- 廉航都好坐過佢，都唔明 CX 除左登機近啲之外仲有咩吸引。
- 唔只係賺到盡，係賺多咗，價錢同質素根本唔成正比，仲要係差好遠個隻，不如坐廉航。
- 對於一間商業公司，而唔係善堂，賺到盡又真係天經地義架喎！
- 因航咁做係 X 街，但呢樣又唔係因航獨有，大把航空公司都轉咗，香港人鐘意嘅中東三寶 Qatar 都好似轉咗 3-4-3。
- 而家經濟艙愈黎愈經濟。
- 咁加位其實安唔安全。
- 無限 loop，蝕 > 加位 cut 員工福利 > 服務差再跌再蝕 > 再加位再 cut
