正所謂：各處鄉村各處例，每間公司對於員工遲到、請假等細節處理都不盡相同。早前有樓主在 FB 出 post 提到自己在一間順字頭的機構工作，但近日因為遲到問題，被公司扣了 HK$5000 大元，因此樓主想藉此請教全能的網民，這間公司的做法是否合理？
【精選消息】
【精選消息】
睇清楚員工合約先再講
有部分網民看到這個 post 的內容，固然有跟車太貼的情況，一口咬定這間順字頭的機構處理手法不太妥當。之不過，不少網民均是「摩擦力很強」的一群，直言「你冇詳細資料，點答你」、「首先你睇清楚自己份員工合約先，confirm 係無問題先再講」、「睇番員工合約先，正常大公司唔會出呢啲小錯誤」之外，甚至有網民發現樓主一概避談其他留言問及的工作資料及合約內容，只提及自己「一個月遲到 98 分鐘」的資料，讓事情變得更為撲朔迷離！難怪有網民質疑順字頭公司只是按章辦理，樓主純粹想找「志同道合」的網友圍爐取暖，搏取丁點同情。另外還提點樓主，如遇任何僱傭問題，可找勞工處舉報，由勞工處處理。
精選網民留言：
- 首先你睇清楚自己份員工合約先，confirm 係無問題先再講
- 你冇詳細資料，點答你。唔通你遲半日又同遲一兩分鐘一樣咩
- 唔知你份工嘅合約內容，又唔知你平日遲到幾多、有冇早退、曠工，單憑你口講，真係好難幫到你！再同公司傾下，冇結果可以去勞工處！
- 扣得 $5,000 咁多，會唔會因為你遲到的問題比較嚴重？同埋你簽合約時點寫？
- $5,000 蚊係咪勤工？有啲公司講明，例如：1 個月內遲到超過 30 分鐘就會扣勤工或射波
- 咩資料都冇，只講扣 5K，叫人點撑你？
- 遲到過咗 30 分鐘已經冇 5 舊，是咪扣埋季度花紅先無 5 千？不過遲咁多都幾誇張
- 遲到扣錢是合理的，但應按比例扣
- 引用我哋公司用詞，唔係扣！而係你未達標、不獲發勤工獎！
- 自己打 1823 問啦
Source: 巴打絲打 Facebook