拍拖結婚是咪要門當戶對？與港女拍拖，係愛定情趣？網民「小叔叔」日前在 LIHKG討論區 發帖，題為「未婚妻話我計較」。月入 $8 萬的巴打，發帖分享與未婚妻之間的一些問題。他表示與月入 $1.5 萬的港女，已到達談婚論嫁的階段；平日食嘅住嘅，買樓都係巴打完全負責，然而這晚的一餐飯，巴打要求未婚妻付款，港女居然直指巴打計較！公平咩？
樓主在帖子表示：「話說今日放假，佢返工，約左同佢食飯。我一坐底，佢話有冇卡叫我比。我話我陪你食，你比啦。」
「佢就惱，話我計較！」嘩！港女嚟料，嫌男友計較。
【精選消息】
樓主認真分析：「我同佢講，買樓既錢係我儲，我一蚊都冇問你！平時係我到住呀食呀，全部我比！你做野長過我 ，連儲起個五萬都借比親戚話買樓！我做兩年野，一年比左屋企做投資，一年既就比哂求婚用，結婚用 ，銀行得返萬幾！」
嘩，講到攤牌咁嘅樣！
樓主撻著：「食餐飯 100 蚊都唔使，話我同佢計較！佢話多謝我，話係我教識佢咩叫計較！我話如果係咁，你放我走！我相信我搵到個更好，我都祝佢搵個到更好！」
樓主最後拋下一句：「係未我小氣？」
【精選消息】
截稿前，帖子贏得 1,689 個正評，35 個負評。網民熱烈討論，究竟是港女有問題，抑或巴打小氣？有網民同病相憐：「唔係，絕對係佢計較！同你個 case 好似，我 EX 又係咁！同佢出左成日街洗左幾舊水，食糖水差廿蚊費事找散張大紙叫佢俾，佢又話我計較！我小 _ 佢話首期、裝修、傢私又係我一個俾哂；出街玩、食飯又係我俾哂，依家叫你出廿蚊都話計較，on_9！唔飛佢唔係男人！」（文字經過處理）
「佢冇咩_慾」
另有網民表示：「我有比你_架！」（文字經過處理）樓主平反：「佢冇咩_慾 其實靠我自己打丁黎解決！」（文字經過處理）
「嫌你窮」
有網民向錢看：「嫌你窮、飛啦！」樓主解釋：「我一個月，收入 8 萬左右。佢一個月萬五。點都係我嫌佢啦！唔係想買樓同結婚，其實好自在！」
「價值觀完全唔同」
有網民勸喻：「心情唔好 語氣重咗姐 小事！都結婚啦 ！」樓主似乎猶疑：「我次次搵佢食飯都嘈，出街都嘈，大家價值觀好似完全唔同。我今日放假，依家自己坐公園飲酒。唔知點行落去……」
【精選消息】
其它網民留言，節錄如下：
- 樓主點解咁勁 可以忍佢忍到呢個時候 定係佢覺得就快結婚 所以食硬你？ 睇落樓主都幾好條件 分手嘅話 未婚妻應該驚過你
- 其實好難行落去 2 個人價值觀唔同會成日嘈 佢唔明真正斤斤計較既人係佢 咩都覺得係你錯 得 2 個方法 1. 飛左佢，做返個男人 2. 叫佢唔好返工，你養埋佢 但係地你心入面有條刺，唔知可以行到幾遠
- 月入 80K _咩女唔得呀 你女朋友有寶？（文字經過處理）
- 唔係諗住結個婚, 個人就會叮一聲完全唔同左呀? 太高估自己同結婚呢個儀式啦 今日唔解決, 唔通第時結左婚先解決會好 d 咩?
Source：LIHKG討論區