家用是誰的責任？應該向父母以外的人支付家用嗎？網民「西村歩乃果」日前在 LIHKG 討論區發帖，題為「家用問題 諗住攤牌 請求大家意見」。樓主表示剛畢業，今年中開始返工，人工 HK$15K，阿爺家要求樓主要繳交家用。樓主指其父一直向阿爺家每月支付家用，對於被要求一起俾家用，甚為不滿。樓主諗住向阿爺家攤牌，不再去阿爺家用膳。樓主發帖徵求網民意見。
今年畢業有工返
樓主在帖子表示：「長文：是咁的，我係 fg，今年中開始返工，得個 15k 人工，已經 plan 定點用。我比老豆老母四千左右，剩低個 D 攞嚟儲起買股票，投資咁。」
理財有道，都幾孝順。小記花生咬一口，專心聆聽。
【精選消息】
被插「喺度食飯唔使錢？」
樓主續稱：「問題嚟啦！我啊爺個家，知道我開始返工，頭先喺阿爺屋企食飯嗰陣，我個阿叔叫我出年一月交三千家用比啊爺！」
吓？
樓主高招：「我飲咗啖湯，我望一望佢，繼續飲冇理佢。佢仲好輕佻咁樣講喺度食飯唔使錢？」
哦。
【精選消息】
「唔明點解孫都要交家用」
樓主心諗：「我老豆每個月都有比三千蚊俾阿爺，你憑乜_嘢叫我交家用俾你地？再者每晚得我一個去食飯，老豆老母都係大時大節先過去食飯（文字經過處理）。我啊爺有六個仔，都有交家用。我唔明點解孫都要交家用。」
「一直都恰我地呢家」
樓主驚爆：「Btw，我細個時，啊爺個家一直都恰_我地呢家。細個逼我地住爛屋，仲要我老豆交五千幾家用，用黎湊我。一直當我老豆係搖錢樹，直到我慢慢大個開始知道佢地都係都係見錢眼開，連自己個孫都恰。」
樓主心灰：「我見到嘅係完全係墮落。每次聽到佢哋講咩一家人齊齊整整，真係好_想笑出嚟。有錢就家人，冇錢就廢人（文字經過處理）」。
【精選消息】
「抬起頭做人」
樓主諗住攤牌：「諗住食埋 12 月，出年以後都唔會去個家食飯，個家 D 事 D 物完全唔插手，唔想再比佢哋嗰家踩住，抬起頭做人！」
樓主的遭遇，備受網民支持。截稿前，帖子贏得 1,491 個正評，僅 6 個負評。不少網民踴躍回應，態度認真，力撐樓主。有網民問：「點解要去人到食？」樓主：「因為我老豆夜晚十一點幾先返，老母又九點幾先返，冇人煮飯。再者佢哋住我隔離屋，所以咪咁。」
另有網民不解：「咁好老實講句，點解要拖到 12 月先？你覺得自己俾錢去食飯又蝕底又要受氣，咁點解唔早少少行動？」樓主：「我阿叔佢話出年一月要我交家用。我就食到 12 月 31 果晚之後又唔出現。我擺明就係想落_佢面（文字經過處理）」。
其他網民意見，節錄如下：
網民：唔好再去佢度食飯
- 仲食埋十二月，我係你當堂拍枱話唔_食啦（文字經過處理）
- 理_佢 你又唔係佢親生 唔洗交代（文字經過處理）
- 唔洗俾 俾你自己老豆老母就得 但你之後唔好再去佢度食飯
- 個阿叔咁多事 第時分身家第一個爭 佢想你比多啲 咁佢未可以比少啲囉 香港好多家庭寫照
- 咁我覺得你去人地屋企食飯就真係應該畀返錢人 唔想畀就唔好去人屋企食 自己買飯算啦
- 你比錢佢買棺材就差唔多
Source：LIHKG討論區