到日本旅遊，會發現一些店鋪會提供免費的飲品吧，讓客人可以坐下來休息一下，而香港一間連鎖的日式百貨店「SECRET CORNER」都引入了飲品吧，廣受客人好評。可惜，「SECRET CORNER」店主近日在 Facebook 出帖表示「對唔住，我地堅持唔到落去」原來，有貪心的客人竟將整個飲品吧淘空了！
【相關報道】
【相關報道】
「SECRET CORNER」明言，在 2018 年 10 月 17 日的下午 6 時，有客人將整個飲品吧淘空了。無論是日本紅茶包、咖啡包、蘑菇湯包，甚至是砂糖、盒裝紙巾都被一個人「全部袋走晒」。店家放出了「低清打格」的閉路電視片段，大家可以從片中見到一名女顧客不停將飲品吧上的物品袋走，而紙巾則全部抽出來折好帶走。
店主解釋，設置飲品吧的原意是「畀有需要嘅客人小休 relax；畀老公/男朋友坐低舒服地等女人；湊住 bb 或小朋友嘅媽媽，亦可有個地方提供冷熱水畀仔囡」、「將日本嘅 drink bar 生活小休閒喜悅帶唻呢個小角落」。可惜「事實一次又一次叫我地放棄。」店主傷心表示：「正正因為唔值錢，映襯人嘅貪念更加恐怖」、「我地實在太傷心，唔想再受呢種傷害。drink bar 服務即時停止。」
不少網民都惋惜地留言，說：「你地將香港人諗得太美好」、「啱，香港唔配有。香港，都有好多貪得無厭既人」、「香港同日本文化差太遠了」、「人間百態都盡在眼前，有好多人都想 R 著數 R 到最盡，R 唔盡反而會覺得自己係蝕左」、「真心香港人成日話大陸人咩咩咩，話其他人之前諗下自己做唔做到！」、「啲人真係貪心到一個點」、「其實應該報警」、「非常欣賞店主有分享之心，但可惜一時自私的人，把原本可長遠和衆人一同受惠的機會剝奪了」、「我真心覺得其實香港人都好廢」、「香港人信奉功利主義，有食唔食罪大惡極，好失望」、「依家喺香港想做啲嘢幫下人其實都好難」今次的事，實在值得香港人反思。
【相關報道】
【相關報道】
Source：SECRET CORNER