正在搵兼職，或愛「炒散」的你，應該有不少見工經驗。你們最常遇到甚麼面試問題？網民 chinam2006hk 日前在香港討論區發帖，題為「最 on_ 人事部成日問的問題!!」，疑似充滿兼職見工經驗的樓主，以自問自答的方式，分享了他認為最戇居的 5 條 HR 面試問題。從樓主列出的自問自答，反映矛盾重重。樓主疑似想搵長工但被迫炒散，然而他又表態寧願炒多幾份兼職，都不搵長工，甚至搵借口不進修增值自己。如果是你，你又會怎樣回答這 5 條問題？
樓主在帖子列出尋找兼職時，HR 最常提問的 5 條面試問題如下：
1. 點解吾搵長工做? (搵到就吾洗黎見工比妳地玩, 時間多咩!)
2. 知吾知點解人地公司吾請你做全職!(有咁多時間反省自己人地點解吾請我做長工, 不如省 d 時間見多幾份, 炒多幾份兼職!)
3. 點解你長期做散工兼職!(吾通係屋企等到有份長工先做咩, 吾洗開飯咩!)
4. 點解吾去進修下!(飯都就黎冇得開,何來進修吾洗錢咩!)
5. 點解咁多空隙期!(搵工吾洗時間咩, 你地 hr 做野又慢, 日日叫都回家等消息下下標準答案都少則一個星期, 多則半年先打黎, 推你又黑面,到我辭職想食返你回頭草又系 9 我面,你話點搞呀!!)
網民：「最憎俾人問長問短」
截稿前，帖子贏得 4,481 個瀏覽率、41 個回覆。樓主自問自答，吸引網民紛紛讚好，踴躍留言。有網民直指：「其實可以照直答!」、「見工就係咁架啦...其實你講得通...對方有機會請你..」、「想定答案、review 下 interview 表現都有幫助。講真，反省下自己是好事，搵工都唔會搵成日」、「我都最憎去見工俾人問長問短，如果無心請人真係唔好叫人去見啦！真係連車錢都蝕鬼埋囉」、「不能同意更多,每間公司都有 D 咁嘅 HR,我記得以前我見過一份工,見我果個係老闆黎，見完佢先表明身份,然後就立刻話請我」！
「終於明白點解唔請樓主」
另有多個網民，不約而同回應：「終於明白點解唔請樓主了」。被撻著的樓主遂反擊：「終於明白點解 d 公司要請 on_ （文字經過處理）的人做 hr!! 負負得正！！」
俾個理由我……
有網民也分享搵兼職時遇過最「硬膠」的見工問題：「如果公司請左你, 你想從公司得到 D 乜? (想每個月準時得到我份人工 lor, 白痴!) ；如果公司請左你, 你想系公司 achieve 到 D 乜? (想 achieve 坐你個位呀, on_!)（文字經過處理）」、「俾個理由我點解要請你 / 妳 ??」。
【相關報道】
【相關報道】
Source：香港討論區