距離 2 月 17 日舉行的第 23 屆渣打馬拉松不到一星期時間，相信各參賽者定必加緊訓練，務求在渣馬比賽當中能取得好成績。不過如果大家是報名參加半馬挑戰組的話，就要留意大會今年設有「分段截跑時間」的機制，當中加設兩個分段截跑點，分別為起步後的 1 小時 15 分鐘，以及 2 小時，並在西隧－收費廣場、鴻興道及馬師道交界設置截跑點。以上改動會令半馬挑戰組參賽者的比賽時限較其他兩組半馬參賽者少 35 分鐘，即只有 2 小時 25 分鐘。雖然「分段截跑時間」改動一出，大會有解釋「有關安排主要為了符合國際田聯（IAAF）金級道路的要求，確保賽道上無其他跑手在馬拉松精英跑手之前，而有機會影響其表現。」但在渣馬官方 Facebook 專頁及討論區，都有眾多網民談論及感到不滿。
【相關報道】
【相關報道】
不論是 FB，還是討論區網民，都有不少人對渣打馬拉松大會設「分段截跑時間」機制感到不憤，有網民直言：「其實 8:00 已經好多人，你咁樣安排，8:00 都係會不滿的」、「全馬唔塞得，就可以塞死半馬一組？咁公平咩？！」、「講到尾都係緊張金級賽道果朵，理得你地年年幾多人整親 / 死，反正錢又收咗到時咪一樣死死地去跑，不過轉晒組到時又唔知發生咩意外啦......」
之不過，當中也有網民支持大會做法，「支持『挑戰組』設截跑時間，所有挑戰組賽事，最好有按成績，起跑區」、「跑得挑戰組都應該五分 PACE 以內嘅人，你用成六分 PACE 去磨，截 X 你係應該」、「事實係會阻住全馬挑戰組返黎果班......有年回程返到 3 號幹線，撞正半馬回程，人多到根本跑唔到，過人要不停叫唔該、sorry，埋去拎水又困難......」但說到底，網民認為大會突有此安排是「傻的嗎」，只會引來更多混亂，「點搞都無用」，反而下年開始才推行這方案，再重新安排各組起跑時間，才是更實際。
就以上事件，渣馬官方也發 FB post 宣布：「對於『分段截跑時間』安排帶來之不便，大會再次深表歉意。如半馬挑戰組參加者想轉組別，大會會安排有需要之參賽者轉到半馬一組（起步時間：早上8時）。有關詳情及手續，將盡快公布。不便之處，敬請見諒！」
精選網民留言：
反對派
- 其實 8:00 已經好多人，你咁樣安排，8:00 都係會不滿的
- 全馬唔塞得，就可以塞死半馬一組？咁公平咩？！
- 其實如果佢地早講，相信好多人都會量力而為，唔洗搞到咁混亂
- 冇必要 offer 轉組，第一组到超多人，去到尾段加上回程全馬比賽者，會超級多人。田總或考慮取消截跑，算吧。下年報名時先寫清楚。
- 其實咁有道理點解要收哂報名費先再改
支持派
- 支持「挑戰組」設截跑時間，所有挑戰組賽事，最好有按成績，起跑區
- 跑得挑戰組都應該五分 PACE 以內嘅人，你用成六分 PACE 去磨，截 X 你係應該
- 事實係會阻住全馬挑戰組返黎果班......有年回程返到 3 號幹線，撞正半馬回程，人多到根本跑唔到，過人要不停叫唔該、sorry，埋去拎水又困難......
- 支持田總，兩小時內都完成唔到半馬，學咩人報挑戰組，啲人真係麻煩，下年最好取消屬會優先報名，全部跟成績報名
- 想報挑戰組打好個底先去報啦，你地怕其他組別塞人，挑戰組啲選手咪又畀你地塞住，一陣又話畀啲快腳撞低，又呢又路，支持今次安排......
【相關報道】
【相關報道】
渣打香港馬拉松 Standard Chartered HK Marathon Facebook hkgolden