今早（3 月 5 日）多間本地傳媒報道國泰航空確認正積極商談一項涉及香港快運 HK Express 的收購事項，而國泰航空也發出官方聲明提及此事，以及提到於適當時間就會刊發進一步公告。受國泰航空染指廉航消息一出，今早國泰航空股價升報每股 HK$13.32（升幅 2.304%）之外，同時也備受網民熱論。有網民雖認為「開廉航戰線係大勢」，不過都有部分網民擔心「收購咗機票一定加到 X 街」。
【相關報道】
【相關報道】
國泰航空確認洽談收購 HK Express 香港快運一出，縱然有網民笑指「魚翅航空講過話唔玩 LCC，做乜事反口呀」，可是以近年全球航運業發展，網民更留言「開廉航戰線係大勢」，「ANA 都可以同時 run 到 Peach 同 Vanilla，希望 CX 都識玩」。之不過，當中都有網民十分關注收購成事後，國泰、HK Express 機票會否瘋狂加價，「為咗壟斷市場可以做到幾盡」，以及就是「UO 嘅 MK 空姐會唔會喺 CX 出現」，不忘討論空中服務員質素為何！
其實以香港人極愛旅遊的個性，國泰航空如成功收購 HK Express 香港快運，最關心的除為機票價格問題外，對應航點都是一大 concern，有網友表示：「畀國泰買咗，即刻食咗羽田啲 slot」、「佢（國泰）而家開唔到日韓東南亞細 port；有 UO，可以望住 HX 打」。
精選網民留言：
- UO 嘅 MK 空姐會唔會喺 CX 出現
- HX 係因港航，UO 係因快航
- 收購咗機票一定加到 X 街
- 魚翅航空講過話唔玩 LCC，做乜事反口呀
- 開廉航戰線係大勢
- 同埋佢而家開唔到日韓東南亞細 port；有 UO，可以望住 HX 打
- BTW，如果真係收購到 UO，希望我搭 UO 嘅時候唔好再要我等行李等個幾鐘啦，人哋遲嚟先上岸，睇到都想喊
- 為咗壟斷市場可以做到幾盡
- 畀國泰買咗，即刻食咗羽田啲 slot
- ANA 都可以同時 run 到 Peach 同 Vanilla，希望 CX 都識玩
【相關報道】
【相關報道】