「中文大學畢業，fresh grad 月入 2 萬元」，看似是一個不錯的成就，不過對於這名住公屋的中大畢業生來說，就覺得人生沒有希望，更埋怨為何當年父母只顧賭馬玩電腦，不思進取。這位剛於中大畢業 fresh grad 的樓主，在 Facebook 群組撰文嘆「為人生努力打拼，最終會輸畀命運？」
【相關新聞】
【相關新聞】
樓主指自己是屋邨仔出身，日讀夜讀考入中大，晚晚趕 project 做功課至凌晨，更指自己「Year 1 個樣似 18 歲，畢業果陣捱到似 38 歲」，畢業後人工月薪達 2 萬，再望望身邊有錢的中學同學，去外國讀書、日日吃喝玩樂，返到香港容光煥發，唔使畀家用之餘，更有靚屋住、靚車揸，不用煩結婚買樓。再望望自己與父母同住 40 年樓齡的公屋之中，連自己一間房都沒有，想儲錢畀首期買樓已經覺得辛苦，嘆自己努力這麼多年，除覺得攰之餘，亦更覺世界唔公平。同時亦埋怨自己父母不思進取，只顧賭馬玩電腦。
不少網民見狀，也同情樓主的經歷，同時亦嘆現在畀首期買樓甚艱難，更留言謂「唔諗供樓會好過啲」，更有網民也有同感，指同屋企人住，即使搵幾萬蚊要養埋屋企人，其實無乜錢可以儲得到。也有網民指自己有相同經歷，由細窮到大，靠自己入 HKU，結咗婚兩公婆加埋搵 7 萬蚊，但既要交租又要畀家用自己屋企，也是儲不到錢買樓畀首期。
之不過，亦有網民表示樓主只要咬緊牙關一樣可以捱過，更指樓主已經比一般人好，起碼入讀「三大」，一出來第一份工已經 2 萬，畀心機過多幾年人工會有更多。更有網民指自己當年第一份工只得 $6,500，連養自己都唔太可能，人工 2 萬已經好好。亦有網民借喻人生像打牌一樣，由細到大畀人派咗副爛牌，但爛牌有爛牌的打法當練技術，只要有日好運揸到副靚牌，機會就嚟喇！
【相關新聞】
【相關新聞】
Source：CUHK Secrets @ Facebook、LIHKG