正所謂「孝，德之本也」，一直以來「孝」都是中國傳統美德，但日前一名在診所任職助護的網民在 Facebook 專頁上分享一名男子帶同其年老的母親到其診所求診，其間該名男子已多次催促母親動作快點，又想快點取得檢查報告，期間更大聲警告其母「你死還死呀！唔好死喺屋企呀！你過到去先好死呀！」、「間屋仲要賣㗎！你死都死出去啦！」。
【相關報導】
【相關報導】
該名診所助護發文指遇上一名男子與其需用拐杖協助的母親到診所照肺，在登記時需用身份證登記，年老的母親因手腳不靈活，慢慢取身份證期間，該男子已顯得十分不耐煩，更向母親指「搵張身份證都咁耐，你阻住人呀！」，但助護安慰婆婆指「唔緊要呀，唔急呀，慢慢呀」卻被男人以「係我急呀！」回應。正當助護取得身份證辦理登記手續時，男子已經急躁地問多久才能取得照肺的報告，助護告知需時 3、4日後，男子顯得更急躁指「一份報告要等幾日？」，婆婆見其子如此急躁，終於開口指「你急咩呀？我都就死㗎啦！等幾日你都等唔到啊？」，豈料該名不孝子卻回應「你死還死呀！唔好死喺屋企呀！你過到去先好死呀！」。
婆婆忍無可忍直接問不孝子「你就咁我驚死喺屋企呀？」，其子更無人性地回答「間屋仲要賣㗎！你死都死出去啦！」婆婆抿抿嘴反駁「係囉係囉，屋呀？你老豆走嗰時你話會照顧我，佢先肯寫你名呀！」，不孝子再回應「我而家冇照顧你呀？我有俾飯你食有俾衫你著呀！我係叫你唔好死喺屋企，死出去啫！你死喺度個價會冧㗎！定係你要我賣埋個老婆去補你死喺屋企條數呀？幾廿歲人用吓個腦啦！」，之後婆婆亦懶得回應了。
此帖一出，惹怒不少網民直斥該名男子不孝，「呢啲咁嘅死人仔唔要都罷，X 街咁都講得出口嘅，婆婆講嘅說話令人聽到心酸」、「 親生仔不如近身錢，錢要死咗先好分」、「養兒防老？不如生舊壽司有意思得多 ~」。亦有網民指出「 自然死亡好似唔會影響樓價」、「老人家死係屋企都唔係凶宅，個仔有冇腦！呢 d 人一世都唔發達，最好臨老過唔到世」、「年紀大叫喜喪，死蠢無知」，有人更指不孝子會有報應「把口衰到咁到佢老咗 d 仔女都唔會理佢」。
【相關報導】
【相關報導】
Source：診所低能奇觀 @ Facebook