早前有網民在某商場女廁內，拍攝了一名年約 5 至 6 歲的男童正在洗手的照片，更斥對方「咁大個男仔仲去女廁！」，當時馬上有網民留言指太離譜，更提議報警處理。事後就有媽媽在 Facebook 「生仔要考牌系列」群組中，以「有特殊需要嘅小朋友媽媽身份」發帖回應一眾網民，希望網民「請不要只顧批評而不去了解，你哋嘅批評，係比粗口去鬧佢哋更難聽的！」
【相關報導】
該名媽媽稱自己同樣育有一名 5 歲有特殊需要的兒子，但因身體原因身高已比同齡的孩子高很多，光看身高旁人或會誤以為兒子已經很大個，但實情是他的言語及自理能力仍未及同齡的小朋友，更指這些有特殊需要的小朋友學習一件事，是需要花很長很長的時間方能適應。樓主更解釋「作為媽媽的我，又擔心佢發生乜事唔識得處理，保護自己，所以我絶對無可能俾佢一個人去男廁。」可惜一個媽媽對孩子的保護，卻換來其它不知內情的網民評擊。
及後該名媽媽更向那些自覺被其兒子入侵了女性私密空間的人道歉，「我絶對相信我個仔喺女廁內絶不會偷睇到你任何私密部位，我亦會好好保護我個仔嘅私密部位，唔會俾你睇到！」同時，更稱如果外出時有傷殘人士專用的洗手間，自己亦會優先使用，之不過傷殘人士專用的洗手間常被人當作吸煙區，衛生情況亦相當惡劣，加上傷殘人士專用的洗手間內的馬桶比一般人用的馬桶較高， 5 歲的孩子實在難以如廁，所以只能帶同兒子到女洗手間內。
此外，樓主同時稱見到該名男童在女廁洗手時被拍下照片後，有網民將該照片上傳至網絡並進行公審時「真係好心痛！」，並「希望各位比較敏感嘅女仕們，請你們高抬貴手及口，唔好惡意批評小朋友，甚至影相放上任何社交媒體。感謝你！」
不少網民均表示理解，「身同感受，啲人真係小事化大」、「我女女都係特殊兒童，所以我明白樓主你嘅感受，一齊加油」、「絕對明白妳的感受。我仔感統問題對自動沖厠的聲音會嚇到死都唔肯自己入男厠，現在 6 歲，如果得我同佢出街，盡量去殘厠」。另外，也有網民謂「完全認同，好憎啲人乜都影相放上網，每個人都有佢嘅難處，如果媽媽單獨帶小朋友出街，媽媽又有需要去廁所嘅話，唔通叫個小朋友喺門口等？」，但依然仍有不理解的網民無情地表示「其實，真係會覺得好尷尬的。」
【相關報導】
【相關報導】
Source：生仔要考牌系列 @ Facebook