近年，香港政府推行母乳餵哺，越來越多新手媽媽選擇餵母乳，所以醫院在孕婦生產後都會提供母乳餵哺的教學。不過一名新手媽媽日前於 Facebook 「生仔要考牌系列」群組內，發文怒斥一名爸爸以陪伴妻子之由，擅闖「男賓止步」的哺乳室，更在內疑似偷望其他媽媽。不少網民都為新手媽媽抱不平，炮轟該名爸爸「根本就係搏哂懵！人無恥便無敵！」
【網絡熱話】
【網絡熱話】
新手媽媽指自己 3 月 23 日帶同初生嬰兒到母嬰健康院，要到哺乳室學習如何餵哺母乳，姑娘教完新手媽媽後便離去，哺乳室內只剩新手媽媽和 BB 兩人，未幾，有人敲門，一個原本在內餵哺母乳的媽媽入內，後面跟隨入內的竟是其丈夫及手抱的嬰兒，新手媽媽直言「我真係呆咗」。
新手媽媽再指，「個老公仲要望住我同佢老婆講：『喂，橫點入咗黎，同 BB 包好張包被先。』而老婆則回答：『呀丫，唔洗啦……走喇！』」最後，新手媽媽怒斥「X！我唔係同個 BB 掃風中，放低咗件衫咪俾條 X 皮睇晒！？哺乳室門口大隻字寫住《只限女仕 男賓止步》！」
此帖一出，已經引起網民大罵，有網民直言「痴缐」、「可以報警的」、「我都試過，係大陸女人，無常識」、「人無恥便無敵」、「正一 X k，自私到極點，鬼唔望佢哋老婆哺乳時有幾個男人望著佢 bb 哺乳。」、「 呢個真係堅嬲，基本尊重都無」、「我怕呢啲人，所以我多數唔會坐正一入門口就望入既位置」、「啲阿姐竟然唔阻止佢地...不過又真係成日有無謂人出出入入好擾民！入面應該有間格簾架，下次幾歹都拉埋個簾先！」
同時亦有不少「苦主」表示身同感受，指出「我都試過係健康院都係咁，個男人陪佢老婆入黎，之後啲姐姐就喝返佢出去！門口明明寫左字都入黎」、「我都試過，我在第二格拉左布餵仔，個男人係一家三口入左黎，個男人操純正廣東話話沖奶粉俾 bb , 媽媽係一碌木，操普通話。然後我開聲話男人唔入得來，個男人話 OK ，然後繼續沖埋支奶先...臨出去前仲問個女人識唔識得自己餵 BB ，叫個媽媽有咩事就嗌，佢在門口」、「有好多人真係唔知咩叫哺乳室。我見過奶粉爸同人奶媽爭用哺乳室」。
【網絡熱話】
【網絡熱話】
Source：生仔要考牌系列@Facebook