不知大家上班、下班是乘坐甚麼公共交通工具呢？例如巴士勝在有位坐、一程車可到，MTR 港鐵就可以免受塞車之苦，可謂各有優點。最近有巴打出 post 分享「人愈大，返工放工愈鍾意坐巴士，唔想搭地鐵」，不知當中會否正中大家的想法呢？因為當中提到：「坐巴士嘅話，假假地有個自己嘅獨立私人空間（前提係有得坐），雖然個位唔係話特別舒服好坐，攰嘅時段起碼叫做有得瞓覺休息吓，唔想瞓就睇下風景路況，個人心情都開朗啲；相反坐地鐵真係好有壓迫感，繁忙時間入到去車廂就變咗條沙甸魚，吸啖空氣都要同人爭。乘客個樣都木木獨獨，好似受罪多過坐車咁」。最後樓主更直言：「所以話，今時今日搭地鐵，真係名副其實畀錢買難受」。
【相關報道】
【相關報道】
如果真要巴士、MTR 港鐵二揀一的話，其實都足以讓網民費煞思量。支持搭巴士的網友就表示：「有時我會為咗喺巴士聽歌睇風景，都行多幾步路搭，特別心情唔好嗰陣」、「巴士一程過舒服好多，地鐵又要轉車麻煩又迫」、「巴士時間長加冇學生優惠我都照搭，真係比地鐵舒服好多。可以瞓可以上網，不似地鐵又迫信號又差」，似乎有感巴士所得的「空間感」，是 MTR 港鐵及不上的。之不過，當中亦有網民對於巴士是否比 MTR 港鐵好，是存在保留的，因為有留言提到：「返工收工都只係最緊要快」、「地鐵唯一，最大優點：唔會塞車」，以及「屋企無適合巴士線返工，要行到好遠先有站」。
精選網民留言：
力撐巴士比地鐵好
- 真。有時我會為咗喺巴士聽歌睇風景，都行多幾步路搭，特別心情唔好嗰陣
- 巴士一程過舒服好多，地鐵又要轉車麻煩又迫
- 巴士時間長加冇學生優惠我都照搭，真係比地鐵舒服好多。可以瞓可以上網，不似地鐵又迫信號又差
- 十分認同，巴士嗰個獨處時間，真係令人好放鬆，地鐵不了，人太多，迫死人
- 一定坐巴，都已經夠累，仲搭鐵
對巴士有保留
- 你仲有心情揀坐咩車......我返工收工都只係最緊要快
- 試過塞車塞多一個鐘先返到屋企
- 屋企無適合巴士線返工，要行到好遠先有站，不了......
- 我坐巴士 chok 吓 chok 吓會瞓着，就算唔瞓着篤電話都會暈，地鐵就做到嘢，煲劇
- 地鐵唯一，最大優點：唔會塞車
【相關報道】
【相關報道】
Source: lihkg