不知大家平時上下班的時間佔了一日 24 小時內的多少呢？香港這個地方話大唔大，但由於不少市民居於新界，但大部分 office 都在港島區或九龍區，導致不少人返工時間已經會超過 1 小時。所以，有巴打便在網上討論區發文，與一眾打工仔討論在上班超過 1 小時的車程內，有沒有練成了「巴士補眠大法！」
【相關報導】
不少同樣上班車程超過 1 小時的打工仔紛紛留言，「一上車就校鬧鐘訓」、「總站上總站落」、「 50 分鐘車程 好好訓」、「大埔番灣仔，早就練成」、「一上車就 Fullgear 外套 耳機頸枕 即訓」，甚至有打工仔指自己已「解鎖高階版的補眠大法」，「車程無一個鐘咁耐, 但必定可以落車前一至兩個站醒 (訓到幾淋都可以)，有時合埋眼靠停車或者轉彎都知道架車行到邊」、「鬧鐘都唔需要，到落車前既轉彎就自動醒」、「已修煉到落車前 10 分鐘自動醒」，令不少初出社會的打工仔表示佩服，直言「睇黎仲有排學！」
不過亦有要轉車的打工仔表示沒有機會補眠，「轉三架車先返到公司，成日得返企位，想瞓都無得瞓」、「有得坐咁好⋯⋯我要企」、「超過一個鐘但要搭鐵無得瞓嗰啲最慘」、「無得訓，瘋狂轉車，程程車三個幾四個字！」同時有網民更指，「認真 搭車要一個鐘車嘅巴打轉工啦 計埋行路等車時間一日差唔多用 3 個鐘交通， 八份之一日呀大佬！唔好浪費自己生命呀！」但無奈打工仔考慮的是賺錢，再遠的工也要返！
【相關報導】
【相關報導】
Source：連登討論區