「東京奧運 2020」將於明年 7 月在日本東京舉行，東東京奧組委將於明年 1 月接受全球公開認購，香港中國旅行社（香港中旅去）成為香港區門票銷售代理。日本控肯定想借此機會，觀賞奧運盛事之餘，順道血拼東京吧？明白的！因此當香港中旅社 Facebook 專頁最新發帖公布「東京奧運 2020」香港區門票預訂詳情，大家都非常雀躍；畢竟「東京奧運 2020」如此盛事，可預期門票需求甚殷，唔想撲空或捱貴票或誤墜假冒售票網站，當然要緊貼中旅社吧！那麼，香港中旅社有甚麼最新公布呢？
是這樣的。香港中旅社 Facebook 專頁最新發帖，上載兩張分別為中文與英文版的售票流程圖，題為「2020 年東京奧運香港區門票銷售安排」。從流程圖可見，東京奧運 2020 中旅社銷售香港區門票安排分為 4 個階段，香港中旅社並指，在每個階段開始前，再公布相關細節。
第 1 階段
- 2019 年 6 月下旬至 7 月中旬
- 第一輪門票預訂
- 如門票認購數量超出配額，香港中旅社將以電腦抽籤分配門票
- 中籤結果將於 8 月中下旬公布
第 2 階段
- 2019 年 7 月上中旬
- 自由行及旅行團連門票產品預訂
第 3 階段
- 2019 年 10 月上旬
- 第二輪門票預訂（如適用）
- 中籤結果將於 11 月上旬公布
第 4 階段
- 2020 年 6 月中下旬
- 奧運門票正式換領
看罷東京奧運 2020 中旅社公布香港區門票銷售安排詳情，你可能一頭霧水。難怪的，不少網民表示嬲嬲：「公布左同冇公布有乜分別？」、「又拖 la，4 月拖到 7 月」、「點樣預訂呀？」、「點樣認購呀大佬？」，中旅社微笑 emoji 回應：「認購方面，到時可以係指定日期去我地官網網上申請，有最新消息再同大家公佈」。
此外，不少網民踴躍留言查詢，節錄如下：
1 避免炒飛 預訂實名制
問題1）如第一輪超額而又抽籤唔成功，可否再參與第二輪？
問題2）第二階段，自由行連門票套票是有待再等你們公報內容？
問題3）另外想問 該次預訂，是否實名制？
中旅社回覆：多謝你既關注。有關第一二個問題，我地會再公佈詳情，現階段可以去東京奧運官網睇賽事安排。另外，為左響應東京奧組委呼籲，避免炒飛情況，今次預訂係實名制。
2 如第一輪已超額，還有第二輪嗎？
問：如果第一輪門票認購數量超出配額、仲會有第二輪門票預訂嗎？
中旅社回覆：我地會努力一路將大家既訴求同東京奧組委講，希望盡力滿足大家對於門票既需要。🏻如果到時第一輪滿足唔到需求，我地會繼續申請，所以要到時先可以再同大家講返第二輪既具體安排。
3 香港區門票有多少？
問：咁總共係有幾多張門票？
中旅社回覆：到時我地會根據客人需求去向東京奧組委申請，所以如果你有興趣睇邊場飛，而家可以先去奧運官網睇下賽事詳情。
4 第一輪究竟幾時開始？
問：咁第一輪幾時開始？
中旅社回覆：開始預訂日子會暫定係六月下旬到七月中旬其中一日，由於我地現階段仲同緊東京奧組委確認緊細節，確認後我地會再公佈多 d 詳情。現階段不妨先去奧運官網睇下賽事詳情。
【相關報道】
【相關報道】
【相關報道】
【相關報道】
【相關報道】
Source：China Travel Service香港中國旅行社