現時香港有兩款迴旋處，不過無論哪一款迴旋處，若然司機並非在第一個出口駛出的話，最佳方法是行「內圈」，免擋欲在第一個出口駛出的司機去路。不過近日，有女網民上傳車 Cam 片段，指有司機在迴旋處「硬 cut 線」的做法不恰當，斥對方是「假日司機」，但網民卻一面倒指「唔識揸車」的是樓主。
【相關報導】
樓主稱對方要在第一個出口駛出，但卻駛至與自己的車平排時才打燈示意，見樓主沒有讓其駛出的意思後更「硬 cut」駛出，不過從樓主上傳的車 Cam 片段可見，樓主一直在迴旋處的外圈行駛，而樓主所指「硬 cut」的是一輛豐田黑色 7 人車，但對方而非樓主所指駛至與自己平排才打燈示意切線，7 人車早在樓主前面已經打了燈，目測兩車相距有一定距離，反而樓主並非在第一個出口駛出卻堅持行外圈的做法較為不妥。
樓主之後更稱「出迴旋處你讓線直出我已經避你一嘢」，似乎早已看不過對方駛出迴旋處的方法，之後更被對方「硬切線」所以才會動怒將對方的片段上傳到網上「公審」。
不過，網民似乎並不認同樓主指責對方的說法：「睇嚟樓主覺得大地任你行，本身睇你車燈都喺內圈，你未夠鐘出路口就自己 cut 出外圈篤油。仲要放片上嚟公審人，真喺有啲睇唔過眼」、「係咪得我一個睇到前車由頭到尾都打緊燈？」、「人哋㗎車打咗燈又係前過你成個車位喎，同埋你都係中線（睇下盞頭燈） cut 緊過左邊」，但樓主卻堅稱自己當時行駛的外線，而有錯的絕對是對方。不過有網民卻認為即使錯的是對方，樓主忍讓一下亦無不可：「開車唔係為啖氣，收慢啲比人出就可以，如果外圈架架車都係咁死頂，內圈嗰個點出？」
【相關報導】
【相關報導】
Source：小心駕駛 @ Facebook