Apple iPhone 7 推出至今已有 3 年時間，因此各位 iPhone 7 用家心癢癢想換更新型號的手機，也是正常不過的事情。最近有 iPhone 7 用家出 post 求問換走 iPhone 7 用新機理由，當中雖提「手痕想換機」，但畢竟手機使用時仍然很順暢，因此希望找到一個具說服力的理由，讓自己得以安心用新機。
【相關報道】
【相關報道】
不少網民看到樓主這個 post 後，不約而同地提出換機的理由，包括：「中咗六合彩」、「用唔到八達通」、「舊電虧」、「無 Face ID」、「衛訊 trade 機抵」、「電細已經夠你換機」等，理由應有盡有，可謂相當充份。另有網民表示「捱多年，等 2020 年個部」、「如果唔急住轉機，等 XR 2 啦，有雙鏡，電又再大啲」，覺得樓主不用心急換機，可以多等一回。
之不過，iPhone 7 縱有「用唔到八達通」、「舊電虧」、「無 Face ID」等弊處，但對不少網友而言，當中還是值得一用的手機，「除非電同影相好唔滿意，否則都無咩需要換」、「換 iPhone X 之前用 iPhone 7，拎返 7 仔上手，會覺得部機好輕，好細部，輕到以為部機係玩具」，甚至有 iPhone 7 Plus 及 iPhone 6s Plus 用家表示「完全搵唔到理由換」！此外，ezone.hk 早前亦已報道過，八達通公司已確認，iPhone 及 Apple Watch 用戶即將可用這兩款 Apple 裝置，使用八達通功能。由於香港八達通使用 FeliCa 標準，與日本 Suica 相同，故技術上 iPhone 7 或以上的機種，理應都可在升級至 iOS 13 後支援八達通。
精選網民留言：
- 中咗六合彩
- 用唔到八達通
- size 重量都 perfect 又有 Touch ID，除非電同影相好唔滿意，否則都無咩需要換
- 6s Plus 又係，唔打機，完全搵唔到理由換
- 捱多年，等 2020 年個部
- 我 i7 壞咗兩次，尋日先換多一次，唔知係咪設計有問題，兩次都係免費換畀我，用用吓會完全上唔到網，SIM 卡冇問題
- 用緊 iP7 128GB 諗緊上 iP X／iP XR2／S10e 好？好煩惱
- 換 iPhone X 之前用 iPhone 7，拎返 7 仔上手，會覺得部機好輕，好細部，輕到以為部機係玩具
- 用緊 7 Plus 真係諗唔到理由換
- 6s Plus 用家表示態度正確
【相關報道】
【相關報道】
Source: lihkg