最近，Audi Q4 e-tron 正式在香港接受預訂，正式抵港的版本將會是 Q4 e-tron 45，它的定位是中小型純電動 SUV，但實際規格以至是設計上，都能媲美更高級的車種，加上性價比不俗，一直以來都令不少人期待。
即刻【按此】，用 App 睇更多產品開箱影片
Q4 e-tron 的電池的容量為 82 kWh，配備後輪驅動的電動摩打，輸出功率為 286 匹 (210 kW)，0 - 100 公里加速只需 6.7 秒，每次充電最高可行駛 547公里(WLTP)，完全能夠滿足日常用車需要。它又配有 CCS (Combined Charging System 組合充電系統) ，可支援 11kW 交流電 (AC) 及 175kW 直流電 (DC)，由 10 - 80% 充電最快只需 28 分鐘。
全車長 4.59 米，而後輪驅動的 Q4 e-tron 轉彎半徑僅為 10.2米，更方便靈活地穿梭於大街小巷。離地間距為約 18 厘米，在輕越野地形上能輕鬆發揮出色表現，上落車都相當方便。由於使用了純電動底盤，車內的地台平坦，後座乘客亦可擁有充裕的腳部空間。此外，Q4 e-tron 的行李箱空間比一般小型 SUV 更大，本身容量已達 520L。如摺疊後座椅背，更可增加至 1,490 升，而電動尾門亦方便擺放行李。
Audi Q4 e-tron 的雙輻式軚盤相當有未來設計感，上方輻條配備黑色觸控面板，以背光顯示功能按鈕。輕微突起的按鈕方便駕駛者區分開不同的按鍵，按下時亦提供輕觸反饋，而且像智能電話一樣，能支援使用多種手勢如左右滑動和上下滾動。軚盤亦配備動力回收撥片，方便駕駛者操控。Q4 e-tron 著重可持續性和節約資源，共有 27 個組件使用環保物料，當中包括需要高強度固定和組裝機械零件的外殼。
全新 Q4 e-tron 目前已經在網上接受預訂，車主可以選配 S-line Sport+ package，升級至 S-line 及 Black-styling 外飾套件、20 吋五幅式雙色輪圈、運動懸掛連可調校減震系統、S 標誌六角形設計運動軚盤連動力回收撥片、S 標誌運動前排座椅、Sonos 音響系統連重低音揚聲器等。標準版本「一換一」售價為 $479,800，而升級套件則另加 $75,000。
今次，ezone.hk 就聯同香港資訊科技商會榮譽會長 Francis 一齊試車！
問題 1 : 香港道路咁窄，Audi q4 e-tron 細細部開起上來會唔會好方便呢？
我幾鍾意開 SUV，有時會諗如果開一部細 SUV，在較窄的彎路時會更加靈巧，另外細身的電動車，車身不會太重，但實際上坐上車時你會覺得窄嗎，其實是很寬敞，人就只有咁大，我覺得部車唔需要太大，若太大部車，泊車又麻煩，開起來又太大架，我個人就喜歡輕巧型的 SUV，開起來更加開心，坐起來亦舒服，咁樣就最正喇！
問題 2 : 佢個呔盤好特別喎，係乜嘢設計黎嫁？
其實這個是兩幅式的跑車呔，你可以見到呔盤不是圓形，較貼近方形，喜歡開跑車的人會覺得操控性較好，但當然見人見智，有人喜歡圓形，有人喜歡方形，亦有人喜歡無上無下的形狀。我覺得這呔盤第一比較形格，第二在操控上可見它有幾個按鈕，因此不用經常去按中央台，可以專心開車，例如較音樂大細聲、聽電話、轉換行車模式等，很多事都可在呔盤上完成。
問題 3 : 宜家手機充電就越來越快，咁呢部 Q4 e-tron 充電要幾耐呢？
呢部 Q4 e-tron 充電方面，官方數字 10% 去到 80% 只需 20 多分鐘，半個小時不到可以充 80%，其實已經很夠用，現在車主經常說找不到充電站，但現在已經越來越多，更加方便。不過，如果充電慢排隊的車龍依然很長，所以充得快絕對是有著數！現在 Q4 e-tron 的速度，我覺得已經很理想，半小時充到 80%，一部車續航力都有幾百公里，其實足夠好多日用，甚至有人可以開一星期，都只係充一次電，我覺得已經很足夠！
問題 4 : 聽講話 q4 e-tron 可以俾車主自己揀配置嫁喎, 我地試呢部係咪特別版黎嫁？
呢部係 S-Line 版本，顧名思義就係 Sport 版，除了車身型格之外，亦有個 Damper Control 的功能，避震懸掛的穩定性會強很多。
問題 5 : 這部車充一次電可以行 540 幾公里，你覺得它的性能點樣呢？
性能方面，雖然它是後驅車，本身我覺得已經很夠用，第一我覺得它好爽，同埋我試咗咁耐，包括過彎都坐得好舒服，但同時我又覺得過彎好爽，因為 Audi 本身做開跑車，做 SUV 時做工非常好，基本上這些基本操控是難不到它們。另外，車身細我覺得是好靈活，我好鍾意！如果開大型 SUV 時，我經常覺得很累贅，過彎時如果車身大會比較浪，但呢部細 SUV 重心無咁高，加上它是電動車有電池壓住，我覺得它的操控性能是非常好。
主要規格：
- 馬力 : 286 PS (210 kW)
- 扭力 : 545 Nm
- 加速 : 0-100km/h in 6.7s
- 續航力 : 547 km (WLTP)
- 電池容量 : 82 kWh
- 充電速度 : 11kw (AC) , 175kw (DC)
- 驅動 : 後驅
- 軸距 : 2,767mm
- 車身尺寸 : (L)4,588mm x (W)1,865mm x (H)1,611mm
【熱門報道】
【熱門報道】
Source : ezone.hk