好多女仔都成日手腳冰冷，尤其是每個月總有幾天固定 M 痛、心煩氣躁；男士面對呢個情況，除咗叫女朋友飲暖水之外，仲有啲咩可以做？今次 ezone.hk 為大家帶嚟兩款女生必備保暖神器，分別係日本 Hasemoto 暖宮帶、仲有人氣 Mofusand 鯊魚貓電暖蛋。事不宜遲，即刻開箱進行實測啦！
即刻【按此】，用 App 睇更多產品開箱影片
第二代日本 Hasemoto 石墨烯發熱暖宮帶
面對生理期不適，唔少女仔都會採用熱敷方式來緩解。今次實測嘅日本 Hasemoto 第二代暖宮帶比傳統熱敷方便，唔再擔心受熱時間有限。以新技術石墨烯發熱原理，快速發熱，驅散寒氣！Hasemoto 發熱暖宮帶設有 3 檔智能恆溫：45℃、55℃、65℃。我哋一於逐一試下，HOT（左鍵）長按 3 秒，亮燈開機；再按一下左鍵轉中溫，再按轉高溫，再按轉回低溫，3 秒快速發熱，加熱效果非常好，暖笠笠超舒服，而且第二代升級採用聚暖發熱效果更好的麂皮絨面質料，親膚面料保暖之餘，熱感更均勻！
除咗智能恆溫之外，亦有 5 檔按摩模式，仲有艾草包調理痛經，簡直係 M 痛救星呀！另外 Hasemoto 發熱暖宮帶有 5000mAh 大容量電池，高達 6h 長效續航，出行攜帶亦方便，就算着喺衫入面都唔顯眼。無論喺公司定屋企、出街都可以隨時隨地用到！
第二代日本 Hasemoto 石墨烯發熱暖宮帶
- 三檔智能恆溫、五檔振動按摩
- 5000mAh 大容量電池，高達 6h 長效續航
- 新升級麂皮面料，柔軟親膚
- 電源容量：5000mAh
- 產品淨重：70g
- 價錢：HK$ 368
- 產品詳情：友和
Mofusand 鯊魚貓充電式電暖蛋
第二款要實測嘅就係 Mofusand 鯊魚貓充電式電暖蛋。一眼望落去，係咪以為佢只係一隻普通公仔呢？人氣網紅「鯊魚貓」日本 Mofusand 以超級得意可愛嘅外型成功俘獲一眾女 fans！千崎 SENKI 同 Mofusand 鯊魚貓聯乘推出充電式電暖蛋。即刻睇下佢嘅保暖效果啦！呢個鯊魚貓充電式電暖蛋係日本 Mofusand 官方正版授權，面料親膚，手感柔軟舒適，採用碳纖維發熱絲技術，更加安全可靠。而且有 4 層高強度PVC，2 層保溫布，保温防漏！仲有防乾燒自動斷電功能，安全得嚟，又可愛又實用呀！
Mofusand 鯊魚貓充電式電暖蛋
- 碳纖維發熱絲技術，更加安全可靠
- 4 層 PVC，2 層保溫布，保溫防漏
- 自動斷電功能，安全供電
- 價錢：HK$ 399
- 產品詳情：HKTVmall
介紹完兩款女生必備保暖神器，唔知大家覺得點呢？最後提提大家，有啲街頭攤檔販賣嘅電暖袋需要插電加熱，物料單薄、耐熱能力不足，可能會導致觸電或者燙傷。所以買電子保暖嘅產品前，記得要留意返佢符唔符合安全標準呀！
【相關報道】
Source：ezone.hk