伍富橋妻誤墮平機票詐騙 公開受騙全過程 直言「有時真係會鬼揞眼」

| 黃恩祈 | 24-03-2025 16:50 |
伍富橋妻誤墮平機票詐騙 公開受騙全過程 直言「有時真係會鬼揞眼」

網上騙案層出不窮。早前,有網民稱在Instagram看到以「永安旅遊 Wing On Travel」刊登的特惠商務客位機票廣告,付款5200元後卻發現受騙。近日,伍富橋的老婆亦誤墮類似陷阱,更在IG發文還原受騙過程。

 

伍富橋老婆Shirley日前在IG發文,講述被騙經過。她留言:「話說我呢兩日坐輪椅坐到瘟瘟沌沌,睇睇吓下IG就發現有呢個post,就諗住撳入去睇吓啦,之後就俾人呃咗。雖然我知道大家都一定精明過我,但係有時真係會鬼揞眼,真係要小心。」

Shirley之後即刻上永安官網,稱「俾我搵到原來佢哋真係喺Facebook同IG詐騙,我cap晒官網啲圖俾佢,跟住佢單剔咗。」最後,Shirley在網上報案,「雖然知道一定係追唔番㗎啦,亦都冇抱有過希望。想笑嘅都可以盡情笑,因為我自己都喊咗出嚟。Post係因為希望唔好再有人俾人呃就好啦,唔係話你會柒得過我。自問都精明咗30年,但原來真係會有發瘟嘅時候。」

圖片:伍富橋老婆IG

即刻【按此】,用 App 睇更多產品開箱影片

視訊播放器 正在載入。
目前時間 0:00
總共時間 0:00
載入完畢: 0%
串流類型 直播
剩餘時間 0:00
 
1x
    • 章節
    • 關閉描述, 選擇

      【熱門報道】

      Source:utravel.com.hk


      香港知名旅行社 - 永安旅遊康泰旅行社及新華旅遊先後在其Facebook專頁發聲明表示,有騙徒使用了與他們相似的專頁名稱,及旅行社商標作頭像,從而銷售樂園門票及Staycation套票,部分假冒專頁更有3000多人讚好!

       

      三間旅行社分別都有附上照片教導市民分辨真假,小編為大家整合出6項注意事項︰

      1. 專頁名稱旁邊有藍色剔號,代表已獲Facebook認證為真實官方專頁。不過,3間之中暫時只有永安旅遊有藍剔。
      2. 可查看「已建立專頁」的日期,如果是最近才建立的專頁,市民需多加提防。
      3. 粉絲人數及帖文數量較多,市民可查看有否過去幾年的帖文。
      4. Facebook專頁上有連結旅行社的官方網站。
      5. 旅行社絕不會透過私訊(Facebook messenger)索取旅客個人資料。
      6. 收款戶口為旅行社公司戶口,如果市民發現是個人戶口,需多加提防。

      伍富橋(Alvin)與富家千金太太梁兆楹(Shirley)結婚以來,二人經常為對方製造驚喜,又常恩愛放閃。兩人去年旅行慶祝Shirley生日,伍富橋連日來在IG曬出與老婆在馬爾代夫旅行點滴,兩夫妻更去了潛水、出海睇海豚,整個旅程都非常奢華!而伍富橋更為老婆準備大量生日驚喜,安排了一隊樂隊在兩人晚餐時演奏,索價更要近3000美金!不過這個驚喜就早被Shirley拆穿,更反問老公:「有個band要加成2970美金,究竟發生咩事?」

       

       

      不過在昨日旅行期間就發生插曲,伍富橋在IG透露成為「被出軌KOL」,並曬出對方將其「出軌證據」Send給老婆Shirley的相片。相中見對方留言:「你老公偷食」、「我有你老公偷食證據喺手」。不過Shirley則抱住「食花生」心態回應:「想睇」。而伍富橋笑言:「我老婆話如果要課金先有得睇,就唔睇」、「我尋日都影咗好多床照,係咪嗰幾張?」伍富橋更上載MV床照自嘲。

       

      之後伍富橋「被屈出軌KOL」來撰寫聲明,寫道:「出軌和被出軌,都跟樣子和家庭環境背景無關,是每個人的道德和人格問題。就算你們覺得我沒有道德,但其實我更沒有膽量。每個人都不會完美,但至少要善良。己所不欲,勿施於人,這樣你會活得快樂一些。還有那些想看見我婚姻失敗的人,希望你們都可以活得幸福快樂。」

       

       

      圖片:伍富橋IG、梁兆楹IG


      TVB億萬駙馬飛清邁慶祝潑水節 富妻豪宅曝光 附私人泳池/健身室/升降機

      近年來伍富橋(Alvin)與富貴老婆梁兆楹(Shirley)都會飛到泰國清邁慶祝。而兩人入住的是女方在當地的豪宅,樓高兩層,非常奢華!

      Shirley曬出豪宅內貌,只見客廳已佈置好,她留言:「要開始過年了。」她又分享數段老公在家中泳池玩水的片段,見Alvin拿著水槍,玩得不亦樂乎,為之後潑水節玩水做好準備。Alvin亦不忘在豪宅外練跑,操fit自己。

      Alvin在婚後不時都會與老婆飛清邁度假,而在4月泰國潑水節亦會飛往當地,慶祝當地的新年。而他們會入住Shirley家族物業,豪宅有兩層高,設有升降機,更有管家長駐。豪宅內除了有巨型客廳之外,亦有私人泳池、健身室等,設備一應俱全,非常奢華!

       

       

       

      圖片:伍富橋IG、梁兆楹IG

      相關文章

      Page 1 of 9

      最新內容