剛完結的香港街馬 2025 吸引超過 20,000 名跑手參加，引證新一季香港跑季已經開鑼。每年香港街馬賽事總有被選手詬病的地方，今年香港街馬 2025 都不例外，不少跑手就有網上反映「等好耐都攞唔返行李」，甚至需要「自己搵袋」，意味賽事安排繼續有失當之處。
即刻按此，用 App 睇更多產品開箱影片
跑手賽後攞行李場面極混亂
不少參加香港街馬 2025 的跑手，在賽後不約而同在網上出 post 表示「今年行李又出事，邊有賽事唔跟號數排，點搵」、「跑完隻馬，隻腳仲搐緊，仲要菜鳥搵袋，咩料呀！」、「排咗成個鐘先去到行李區，估唔到竟然要自己搵」、「8 點幾跑完 10 點幾先拎到行李走人」，繼續貫徹每年香港街馬賽事總有被選手詬病的地方，更有在場參加者笑言「原來遊戲而家先開始」，即是跑步都不是最困難的地方，認真可笑。
全城街馬聯合創辦人：利用新科技認領行李不似預期
全城街馬聯合創辦人及行政總裁梁百行在香港街馬 2025 賽事後接受傳媒訪問，承認今年是利用新科技幫助眾參賽選手認領行李，只要掃瞄跑手號碼布上的 QR Code 進行定向追蹤認領行李，就毋須像以往以人手按號碼次序分類排列，原意是想縮短等候時間，而事前已在場地進行不只一次的系統測試。然而最後情況與預期有落差，系統傳遞一度出現故障，也未能辨認 QR Code，因此需要再花時間將行李重新排序。他表示低估了一旦發生行李認領出現事故時的人群反應，包括無預計需要人手防止跑手進入行李區來「自己搵行李」等，故此日後會改善相關情況，也會加強針對類似事件的預案。
↓點擊圖片放大↓
【熱門報道】
【精選消息】
Source: RTHK, Threads