有些人喜歡乘 Uber 多於的士，是因為乘客可在事前知悉行車路線及車費，覺得 OK 才預約。不過最近有網友在 Threads 出 post 提到 call Uber call 中的士的經過，車費不只由的士 meter 所見的 HK$65.4 變為 HK$90，更要加上 Uber 的 HK$5 行政費，即是 total HK$95 才埋單，難怪令樓主如此不滿。
即刻按此，用 App 睇更多產品開箱影片
搭 Uber 中的士疑被多收錢車費
最近有網友在 Threads 出 post 直斥「DC9 係無一個無辜架，好彩快手影低咗」，單看文字都 feel 到相當不滿。事緣是樓主 call Uber call 中的士，後來發現車費並不是的士 meter 所見的 HK$65.4，而是 Uber app show 了出來的「咪錶車費 HK$90」，再加上 Uber 自己的 HK$5 行政費，即是 total HK$95 才埋單。
網友分享類似經歷
這個 post 一出，有網民表示自己都有遇過類似經歷，直言樓主並不孤單。「我每日都 call uber taxi 返工，10 個有 9 個都會入多。搞到我日日要去投訴客服，心累…明明 Uber 已經收咗 HK$5 服務費，仲要咁樣畀佢地收多」、「我試過 $60.5 嘅錶，個司機入 $463^^ 由大角咀去荔枝角，無經隧道無行李無寵物^^」，甚至遇上同一司機都有，「見熟口熟面即刻去睇返我個 Uber 記錄，我都遇過呢個人，又係莫名其妙收貴咗。凌晨自己一個女仔搭唔敢唔俾錢，即刻投訴加 1 星」。另有網民解釋這現象並不是新鮮事，但似乎 Uber 對此是沒有對策，「Meter taxi 果班係全部都會入多，因為平台會收司機服務費，司機會直接將服務費轉嫁乘客，佢哋全部都會收收多 30 蚊左右，有部份更會亂收費」，以及「其實隻隻都會亂入，佢搏你 10 單得 2 單識得影低上訴成功，佢都賺 8 單」。
切勿跟車太貼？
之不過，有網民懷疑這名的士司機沒有多收車費：「過海單程 HK$25，Uber 預約費 HK$5，如果咁計就啱數」、「樓主你係咪過海，個司機咪標未加隧道費？…同埋好似係有款係唔跟咪錶，預約係收預約個個價？如果係 Uber」。其實在這個 post 中，樓主沒有明言自己這次的車程有否過海，以及談及去那兒，只是回應：「有關係㗎咩？影相咁啱影埋佢㩒停錶啦喎」。
【熱門報道】
【精選消息】
Source: Threads