有人笑說，在香港乘搭的士是運氣的表現，可能當日運氣差一點的話就會遇着壞司機，如這位昨日（19 日）在 Threads 出 post 的網民一樣。這位壞司機不只找少了車費，更差的是連樓主的兒子都呃，直言「差 XX 元唔緊要」來試圖將找少車費事件合理化。
即刻按此，用 App 睇更多產品開箱影片
的士司機公然找少錢呃小朋友
這位網民在 Threads 出 post 表示自己「一個人湊住兩個仔搭的士，落車畀 HK$$100 畀大仔畀錢」，並提到車費只是 HK$84 及「同細仔落車先」。怎料長子「落車拎住 HK$6」，而幸運地後來有兩位客人放東西入尾箱，於是樓主跟司機講「仲差 HK$10，佢好爽快畀返我」。樓主其後問長子：「唔識 HK$100 減 HK$84 係幾多咩」，但長子轉述司機所言：「差 HK$10 唔緊要喎」，即時知道是該的士司機公然找少錢來欺騙小朋友，對此甚為不滿。
留言鬧爆「唔收少 10 蚊」
因應這位的士司機公然找少車費欺騙小朋友，因此不少網友鬧爆「點解佢又唔收少 10 蚊，貪心就認啦」、「差 $10 唔緊要喎？！佢竟然唔係扮唔小心，而係真係明搶喎」、「雖然搵錢辛苦，都唔應該呃人囉⋯⋯X」、「畀貼士同利是都應該係客人心甘情願，唔係咁樣夾硬嚟囉！不如佢收少 10 蚊當俾小朋友利是又得唔得？」。當然有網友強烈建議「1823 佢」，更問及「有無影底啲資料」，以及提到「記得收返錢仲影低司機證同要求佢畀收據，唔公審都好，嚇下佢地以為自己會被公審」。
疑似行家護航？
的士司機此舉相信沒有空間商榷對與錯，然而在留言之中發現疑似同為的士司機的行家出來護航，留言表示「新年流流搭車計嗰十元八塊，睇你款應該利是都無畀」。不過這個留言一出後，另有其他網友指責其價值觀很有問題，「生活要幾兜踎先至新年流流要呃人嗰 HK$10」、「唔係畀唔畀嘅問題，係呃人同恰細路嘅問題」、「你唔 X 洗兜啦 DC9。呢個 case 條DC9 一定係 X 街，諗住呃 X 細路。10 元 8 塊唔係錢，又唔見 DC9 平返畀乘客當利是（真係試過Uber司機比20蚊利是畀我個仔）」，且直言「畀唔畀利是係個客自己決定，唔係司機決定」。
【熱門報道】
【精選消息】
Source: Threads