大家認知在香港的駕駛學校用車，如是考輕盈貨車或私家車牌的話，主流是 Toyota Hiace 及 Prius 等車款，基本上不會有其他太特別的選擇。不過近來有網友在 Threads 出 post 分享，見到李健駕駛學校用車居然有「波子」：Porsche Taycan 電動車，令其大嚇一驚。
即刻按此，用 App 睇更多產品開箱影片
駕駛學校用車竟然有「波子」？
近來有網友在 Threads 出 post 分享，見到李健駕駛學校用車居然有「波子」Porsche 的車款，是 Taycan 電動車且貼有「Lee Kin Driving School」字樣，更問「而家學車係咪可以揸波子，我都想學」？不過此 post 一出，很快就有網民道出真相，就是 post 圖提及李健駕駛學校設有「Porsche Taycan 保時捷電車駕駛示範培訓課程」，於私家車學車套餐之中。
是故有留言想 confirm：「示範咪即係齋坐無得揸」後，另有回應指「教練渣，你坐副駕」，因此如果覺得可以用 Porsche Taycan 學車的話，相信大為失望。
「保時捷電車駕駛示範培訓課程」是甚麼？
據 ezone.hk 得到的李健駕駛學校的學車文件可知，「Porsche Taycan 保時捷電車駕駛示範培訓課程」是路試合格後的學員才可上的課堂。當中會由資深導師駕駛此車乘載剛考獲車牌的學員，示範培訓提升駕駛者面對路面上不同情況的安全駕駛技能，強化及學習不同水平駕駛者的不同需求，同時亦從中分享高級駕駛的樂趣。
有牌補鐘可揸 Tesla 等車
當然，無得 book Porsche Taycan 來自駕體驗的話，的確是會感到失望的。不過翻查李健駕駛學校官網，可知如想有牌補鐘，當中都有不同車款可選，例如 Tesla Model 3、Toyota Sienta、Toyota Noah，以及標榜可 預約高級豪華房車，此外想電單車有牌補鐘的話，都可有導師訓練及獨立練習兩個 option 的。
【熱門報道】
【精選消息】
Source: Threads