港鐵車廂突現電子「全港路線圖」！乘客大讚直觀清晰、要求常態化 網民爆料揭背後真相竟是......？

平時搭港鐵 Q-Train，係咪成日覺得車廂 LCD 顯示器只睇到鄰近幾個站，睇唔到整條路線非常麻煩？近日有網民於 Threads 分享相片，驚見 Q-Train 顯示器罕有呈現出包含全港車站的「完整路線圖」，清晰直觀獲大批乘客讚爆，紛紛要求港鐵設為常態！不過有網民隨後揭開背後真相，竟讓大家大失所望！

全港車站一覽無遺！乘客直指「比起原版更舒服」

自港鐵為新一代列車引入液晶顯示器以來，其介面便不時遭到乘客詬病，例如列車進站時往往僅以巨大字體顯示單一站名，無法提供全程路線資訊，倒不如用回傳統的「閃燈路線圖」。

不過近日，有網民於社交平台 Threads 上面分享一張圖片，螢幕竟然顯示著舊版的全港鐵路網絡圖，更興奮表示「地鐵你咁咪幾好囉，期待埋你更新做動態路線圖，好似之前啲 M-Train 咁」。

↓點擊圖片放大↓

該貼文隨後引起關注，不少網民更對此「新介面」讚不絕口，「尼個比原版更舒服」、「呢啲咁好嘅嘢，佢應該always on show」，亦有網民藉此批評目前新式動態電子屏幕，「我都唔明佢到站嗰陣齋show咁大站名有乜用」、「證明個mon根本可以show哂個路綫圖，但偏偏唔做」、「真係越先進越蠢，明明可以做好佢，偏偏用蠢嘅方法」。

↓點擊圖片放大↓

+2

↓點擊圖片放大↓

+2

網民爆料揭真相：系統 Hang 機預設桌布

但正當有網民紛紛以為這或許是港鐵正在嘗試的新介面設計時，有網民迅速留言揭開事實真相，原來該介面實際只是系統故障時的預設桌面。得知真相後，許多網民感到相當無奈與搞笑，留言調侃「最有用嘅嘢，竟然要 Hang 機先有！」不過這次由系統小故障引起的插曲，也再次反映出大眾對於車廂資訊顯示清晰度的強烈訴求，有網民建議 「其實只要顯示嗰條線，前後幾個車站加終點站顯示都已經夠」、「可以參考東京メトロ（地鐵）的路線圖，顯示之後的站並提供轉線、扶手電梯出口等資訊」。

即刻【按此】，用 App 睇更多產品開箱影片

【熱門報道】

Source：Threads@duncan.py.chan

【相關話題】衝上車唔知咩方向 港鐵車廂螢幕被評遲鈍 網民嘆：以前貼紙仲好

「跑住衝入車廂，度門『嘟嘟嘟』關上，你想望下自己有冇上錯反方向車，點知個 Mon 淨係大大隻字寫住個站名，足足分半鐘都唔轉畫面...」有網民在Threads上發文，批評港鐵車廂車站指示屏的介面設計邏輯欠佳，特別是當列車到站時，僅會全螢幕顯示該站名稱，質疑此舉有違便利乘客的初衷，引起網上熱烈討論。

↓點擊圖片放大↓

+6

+5

Source：ezone.hk

【相關話題】網片熱傳｜港鐵乘客手機跌落路軌伸手執　遭車門夾手慘叫【有片】

手機跌落港鐵列車與月台之間的罅隙，切勿自行伸手或落路軌拾取！近日網上流傳一段約 22 秒短片，一名 50 歲男乘客在港鐵調景嶺站登車後，疑因手提電話跌落路軌而嘗試伸手拾回，期間手部被車門夾住，需要由其他乘客按動緊急通話器求助。

事件發生於 8 月 7 日晚上約 10 時，一列由調景嶺站開往寶琳方向的將軍澳綫列車上。據了解，事主手部受傷及流血，救援人員到場後將他救出，並送往將軍澳醫院治理。警方將事件列作有人意外受傷跟進。

↓點擊圖片放大↓

Source：ezone.hk