香港夫婦買 200 呎小單位係基本？網民 Catloverhk 日前在香港討論區發帖，題為「得罪 d 講句, 香港地夫婦有能力買 200 呎小單位係最基本」。Catloverhk 大意指，香港夫婦從畢業出來，工作到 32 歲，月入 HK$25,000 應該唔難，於是俾百萬首期又唔難，佢話如果咁都冇，就唔好諗住組織家庭、唔好諗生小朋友。Catloverhk 豪言，有百萬首期你可以活到 80 歲，百萬首期都冇，要諗諗自己退休後咩境地。他直指得公屋唔是得天下，退休後儲蓄用盡，老來點搵錢，山窮水盡點樣算？
冇百萬首期 退休有困難？
Catloverhk 戰戰競競，除了在標題表示「得罪 d 講句」，帖子開首就指：「可能呢個 post 會俾人口誅筆伐」。不過他冒死仍要上諫天下網民，他說：「但得罪 D 講句，香港地如果一對夫婦連 200 呎單位都買唔起，真係要慎重考慮下自己退休後既境況同埋是否應該生育下一代」。
【精選消息】
月入 HK$25,000 唔難？
網民息怒！Catloverhk 好很認真分析：「正常一對夫婦出黎做野 10 年，當 22 歲畢業, 而家 32 歲，兩公婆各自搵 25000 應該唔難，做野十年都冇 25000 月入真係唔好諗組織家庭。」（小編：嘩！）
110 萬首期方程式
Catloverhk 頭頭是道：「一個人月入 25000，月儲一半當 12000，夫婦就每月儲到 24000。正常一年夫婦儲到 24000x 12 = 28 萬多，儲 4 年就年屆 36 歲，到時有 110 萬左右。36 歲夫婦，拎百萬首期買 200 呎單位，應該冇問題（現在百萬首期仍可以支付舊區單幢 200 呎單位）。」
如果小記冇百萬首期呢？Catloverhk 負評：「如果一對已經 36 歲既夫婦，戶口連一百萬買得起樓既能力都沒有，當真要考慮下退休既境地。」
【精選消息】
得公屋不是得天下？
小記猛吼：有公屋咪得囉！咪危言聳聽啦！Catloverhk 反對：「有公屋都不是得天下。退休後當 5 年洗晒 Ｄ 儲蓄，70 歲都可以賣左層樓，之後支撐租樓+生活費 10 年。屆時 80 歲，人生可能已經差唔多了。但住公屋，退休後 ５ 年洗晒 Ｄ 儲蓄，到時山窮水盡可以點搵錢？」
「小朋友開支係無底深譚」
他乘勝狙擊：「如果 35 歲夫婦連百幾萬首期都拎唔出，更加唔好諗生小朋友。小朋友開支係無底深潭，試問兩公婆連 24000/月都儲唔到，又點可能養到小朋友+留儲備 for 退休呢....」
直指「買唔起」樓的夫婦
酷爆 Catloverhk 在文末強調是針對百萬首期都冇的人：「我強調，我所指的年齡是工作十年的夫婦，指的是『買唔起』的夫婦，即係連 100 萬首期都儲唔到既人。我不是指『有百幾萬買得起樓，但選擇唔買樓』的人。果Ｄ人係買得起，但『選擇』唔買而已，我唔係講緊佢地。佢地有資格拎住百萬儲蓄去否定買樓，去投資股票基金，冇問題的。起碼佢地有能力儲一百萬返黎。我文中指的係『買唔起』既人。」
【精選消息】
網民：一句 ko 你啦
本文如此辛辣，難免吸引網民瀏覽，並踴躍留言！然而，網民主流意見都對本文言論不敢苟同。網民意見，節錄如下：
- 市區二百呎 起錶要 4.5m -5 m 首期二百萬 不是個個有
- 6 球以下，4 球以上，2 成首期， 常識!
- 現在你人工唔加，或加 3-4%，都唔夠楼價升幅。買呢？還要過銀行壓力测試
- 所以味話係大灣區如江門搵地安置 30 至 40 萬人。
- AA，一句 ko 你啦，住公屋退休後就係綜援包底啦，唔洗交租，醫療，電費，媒氣，水費電話全 claim 政府，個個月有一萬剩洗，記住呢個係法例規定政府一定要比。好過 d 白痴得一層樓，老左一係賣一係逆按揭，臨老個個月為管理費，差餉，地租，大维修煩惱，真係唔知邊個笑到最後！
- （住公屋，退休後 ５ 年洗晒 Ｄ 儲蓄，到時山窮水盡可以點搵錢？）。笑 Q 死！
- 唔知以為個個都大學畢業，人人起薪點 $25000
- 人工同年齡掛勾??
- 9post，咁多人就 25000 元一個月社会就唔洗咁大怨氣，好多人都唔係年年有人工加，你估個個高宮咁咩，一年加幾 % 都有幾萬
- 就係買左先冇錢生仔
- 香港政府咪已經為呢班人劃左個「居屋」收入限額囉，二人或以上家庭，限佢 57000。好快就有人中獎啦，仲要有 278-631 尺住，有機會住九龍，不知幾爽。
Source：香港討論區