運輸署計劃於今年內展開探討的士司機證電子化的可行性，以及當中可應用的科技工作，例如改用電子智能司機證系統、以及將電子智能司機證系統、的士咪錶兩者結合，收集的士營運數據的同時，也防範「黑的」、濫收車資等不良問題的發生。運輸署以上改良，沒錯是善用科技，改善現有的士營運情況，不過有本地媒體就引述的士司機指，此舉「有好有唔好」。好的一方面是可打擊「黑的」問題，惟業界卻擔心當中涉及私隱問題，例如運輸署可知道司機收入有多少。有網民就上連登討論區討論此事，反問何解的士司機會擔心私隱外洩：「政府知收入幾多有咩問題」、「行得正企得正怕咩」，更指「除非一心犯法逃稅」，否則「全港打工仔有收入都要報稅」，不能每次都是政府單純給予「甜頭」予的士業界，但的士業界卻不跟政府規矩辦事。
【相關報道】
【相關報道】
另外，有網民認為以上運輸署的計劃，是「政府少有德政」，還建議「政府出錢換晒啲咪表（內置 RFID 讀卡器 + 行車記錄儀「即黑盒」）」、「學新加坡裝埋 GPS」，令的士營運增加透明度，更為明碼實價。
精選網民留言：
- 政府少有德政
- 行得正企得正怕咩
- 走咁多年稅唔使還？
- 全港打工仔有收入都要報稅啦！畀政府知收入幾多有咩問題？除非一心犯法逃稅
- 又要政府畀晒着數你，又唔跟規矩做嘢
- 早就應該，仲未學新加坡裝埋 GPS
- 再計收入入埋薪奉稅就啱，玩漏洞玩咗咁多年，揸返正都應份丫，咁樣政府自然有返多啲稅收啦
- 不如政府出錢換晒啲咪表（內置 RFID 讀卡器 + 行車記錄儀「即黑盒」）
- 收入私穩？無借口逃税咋！
- 梗係難保收入，無得再濫收車資......你話係唔係大件事
【相關報道】
【相關報道】
Source: 馬路的事討論區 Facebook, lihkg