香港特別多特別的客人，經已是世界知名。近日專門分享關於服務業西客之道的 FB 群組，就有一個 post，是講一位飛機商務艙媽媽客瘋狂投訴「BB 車咁耐仲未到」的經歷。這位媽媽級 B Class 乘客表示在下機後於登機橋外等 BB 車，「好耐（大概 5 分鐘）都未見自己架 BB 車出嚟」，於是開始向地勤小薯（即樓主）投訴：「我等咗好耐架 BB 車都未出嚟，我坐商務艙㗎！我未試過咁耐都未拎到 BB 車囉！你睇！連機師都出埋嚟啦 BB 車仲未到！」，以及強調該 BB 車有 priority tag，並叫樓主「可唔可以催吓架 BB 車」。
【相關報道】
【相關報道】
即使樓主跟該名媽媽級 B Class 乘客稱：「其實商務艙同經濟艙 BB 車都無分別㗎，都係同一時間人手拎上嚟」、「你同行者都需要時間整理再推出嚟，或者你坐低等吓啦」、「我已經有同事入咗去，會清晒所有乘客同 BB 車出嚟㗎啦」，可是這名媽媽級 B Class 乘客仍然嚷着要投訴樓主，並且直接拍得樓主的名牌及樣子，惟樓主只同意對方拍下名牌作紀錄，因此使樓主有被侵犯私隱之嫌。
後來樓主發現，媽媽級 B Class 乘客的同行者是一名坐經濟客位的傭人姐姐，自己手腳慢，最後才離開登機橋會合。而樓主因此就希望藉此 post 告訴該媽媽級 B Class 乘客：「其實 BB 車出嚟的速度時快時慢，十分鐘清晒客同十幾部 BB 車已經叫超快，但你呢啲怪獸港媽係都要係個仔女面前衝出嚟 X。就算畀你好快拎到 BB 車出去，你以為你件行李已經係行李帶等緊你？？？以果個落機速度我諗連頭等行李都未轆到出去呀。到時你係咪又去詢問處鬧點解你坐 business 但件行李仲未出呀？」
不少網民看了這個 post 後，也覺得這位媽媽級 B Class 乘客是欠缺耐性，並留言表示「唔等得坐私人飛機啦」、「成日都唔明啲人咁唔等得，係咪因為已經無乜時間」、「時代進步，人格退步」，更有網民指這位媽媽級 B Class 乘客「坐商務都咁（大支），如果坐頭等......」、「坐商務大晒咩，有種咪包機來回」，以及提到自己坐商務客位，但傭人坐經濟客位，都不見得是富有人家。之不過，對於樓主的服務態度，部分網民反應兩極。有網民雖覺得「樓主答得幾好，畀我問第三次已經唔答」，但也有網友有感「個客係 X ，不過你都答得好曳下」、「你又好得去邊？人哋坐 b class 乜 class 又關乜事？你咪又係咁分人級。」
網民有 Say：
- 坐咩 class 都好，同「品」無關係。本身個人係 X 就 X，唔等得坐私人飛機啦
- X 客：我畀咗「咁多錢」買你哋機票 blah blah blah（下刪 1,000 字），check 返電腦之後：喂 fanfare 嚟嘅 X 你
- 坐商務都咁（大支），如果坐頭等......
- 重點：自己坐商務工人坐經濟
- 我覺得樓主答得幾好，畀我問第三次已經唔答
- 成日都唔明啲人咁唔等得，係咪因為已經無乜時間
- 咪以為香港人好有品，好有水平。根本個個都大陸同種，做服務業嘅就知。
- 唔知仲以為架車有司機，下次不如配埋個手提電話俾架車啦
- 而家呢個世界，有時太有禮貌同尊重變得好低賤，唔值錢。所以我對係對人，人點對你，你點對人。完
- 時代進步，人格退步。
【相關報道】
【相關報道】
Source: 西客之道 Hispitality Secret Facebook