繁忙時間乘搭公共交通工具時，要行入車廂中間是常識吧！但偏偏有不少自私的乘客卻喜歡上車後原封不動地在原位站著。一名巴士車長在 Facebook 「西客之道」群組內投稿，指自己駕駛「大西北過海嘅西隧長途線」，某日早上 7 點左右，上班最繁忙的時間遇上一名無理取鬧的女乘客，車長指當時上層下層都已全部滿座，之後上車的乘客只能站立在下層車廂，而車長亦不停提醒上車的乘客要行入車廂，惟其中一名女乘客卻一直堅持站在司機位左後方的走廊處。
【相關報導】
如是者，到轉車站，車長目測有約 20 名乘客候車，雖然車廂中間空空如也，但由於車頭依然有不少乘客「頂住」，所以轉車站的乘客亦不能全部上車，於是司機便不斷用廣播甚至親自開聲提醒乘客行入車廂，但該名女乘客及其它乘客依然無動於衷，有見及此，車長索性「企起身」，直接和乘客說「 麻煩大家行入少少喇，個個都趕住返工！唔好咁自私喇！唔該！行入兩步啦！好多人上唔到車！」經車長的呼籲後，其它乘客都行入車中間，唯獨該名女乘客依然「一尊佛咁樣棟喺走廊頂住人入去」，望一望車長，便低頭玩手機。車長之後稱「然後無幾耐就收到佢投訴我，話我不停叫人行入車箱。」令車長不禁感歎「究竟我做錯咗啲咩？」
不少網民均為車長抱不平，「咁客氣都投訴？試過有司機直頭揶揄："車尾係唔係有鬼？無就企入啲啦！"」、「企響車頭唔行入啲嗰啲 X 腸真係好乞人憎」、「對住呢啲人，同佢講咗"唔該"都唔讓就直接撞開佢。我做嘢從來先禮後兵，你要扮聽唔到，我就當睇唔到你嘅存在。」、「啲人有理無理都投訴, 都唔明點解九巴客服照收無理投訴, 叫車長改善。」更有網民分享自己搭車時亦遇過類似的「麻煩人」，「輕鐵都係啦，大把位啲人硬係唔行入啲，車門嗰邊企滿晒，但車頭車尾無人企，個個驚死落唔切車咁。」、「明明琴日坐 16 號返工，就係有三個師奶企左係落車位頂住左，攪到好多人上唔到車，到我落車嘅時候佢地仲係企係門囗，我忍唔大聲喝佢地"就係你地兩個企係到阻住晒啲人上唔車，做人咁自私嘅"！」
【相關報導】
【相關報導】
Source：西客之道@Fb