近日九巴引入新款巴士，其中一款車，樓梯位的車身變成透明玻璃，希望為巴士車廂引入光線。其後，立法會議員葛珮帆去信九巴表達關注，認爲透明樓梯是「走光黑點」，批評新設計是「叫女士不要再到巴士上層」。九巴近日就在 Facebook 專頁就事件回應，反駁：「走光黑點要提防？點解我要特登『裝』？」引來不少討論。
【相關報道】
【相關報道】
九巴在專頁出帖，題爲「走光黑點要提防？點解我要特登『裝』？」。當中提及樓梯採用透明玻璃是外國用了近十年的設計，主要用來引入自然光線，讓乘客上落樓梯時看得更清楚，減少意外發生。而針對走光的問題，九巴特地進行了實測，表明「嘗試從唔同角度嘅觀察，左睇右睇都冇依個情況出現，所以大家唔駛驚！」加上樓梯本身向住馬路，所以就算有人想要偷窺都不容易。最後，九巴補充：「採光不等於走光」、「我哋都不容忍偷窺行為」、「香港人都係善良」、「唔應該因為一啲壞份子而否定設計嘅好處」、「因為呢啲設計真係可以幫到乘客減少發生意外嘅機會」、「調查研究應該有根有據」。
雖然如此，有網民依然反駁九巴説法指出：「隔離線私家車個乘客位咪睇到囉，仲撐」、「係咪測試員條褲仔同裙仔唔夠短」、「其他應該透光嘅窗你又遮咗佢！用磨砂效果咪得囉」、「如果乘客位突登伸個頭出黎裝真係防不勝防」、「磨沙玻璃都透光，點解要咁剔透？」、「呢啲係偷窺心態，點解唔搵嘢遮擋住呢？」
然而更多網民支持九巴的説法，留言大撐：「點會有正常人冒着被車死危險去睇人走光」、「依啲野有心要睇會睇到，唔睇既就你全玻璃都無人睇」、「根本不用驚，大家不要人云亦云吧」、「外國一早有呢個設計啦，又唔見外國啲人嘈？」、「怕畀人斷正繁時，成堆人坐樓梯多啲」、「行出馬路中心𥄫嘢？有病先咁做」、「佢試都無試過，一口咬定部巴士會走光。我又唔見佢話 Apple Shop 條樓梯會走光喎」、「好多『無知婦孺團體』明明唔洗擔心，但係就驚死」、「撑九巴，唔好就範呀」、「咩人睇咩嘢，假博士自然係其身不正」、「請保留玻璃設計，支持九巴」、「我撐九巴，外國用左好耐，啲人簡直係本末倒置」、「行人天穚都可以走光，咁係唔係拆咗佢」、「怕走光就唔好上上層，亦不要在行車時站在樓梯上」、「白痴，玻璃升降機咁多年又唔見話走光黑點」、「你係要去偷窺，無人禁到你喎！呢啲係人既問題」、「香港嘅女士係咪應該著回教服裝呢？」大家又撐哪一邊？
【相關報道】
【相關報道】
Source：KMB 九巴專頁