近日本港氣溫逐漸下降，相信大家都開始出動各種暖氣機和暖風機。日前，在Facebook群組「淘寶唔開心share （中伏group)」上，有網民分享淘寶靜音暖風機中伏的故事。雖然產品標明「靜音」，但就搞到事主幾乎「家噪屋閉」？即刻睇睇中伏全過程！
淘寶中伏｜暖風機噪音全屋都聽到
據相關帖文稱，事主從淘寶入手了一台「靜音暖風機」，又配文稱「呢款取暖器寫明係靜音，商品賣家秀也是都在說靜音，但實際收到貨打開聲音雷大，堪比老式的吹風機，其他冇問題，就係聲音太大了」。事主亦貼出與店家詢問產品噪音的截圖，店家回應指「親，暖風機都是比較風扇大聲一點不然就沒有風了」，向事主強調產品性質是「輕音」，令事主相當無奈。
淘寶中伏｜網民留言警告「分分鐘著火」
帖文隨即引起網民熱議。有網民留言叮囑「發熱嘅吹風機唔好淘，分分鐘著火，唔好貪平」，又指「何必揾命搏？如果火燭仲會連累其他人！」。也有網民打趣道，「唔開果陣是靜音」。點擊下圖睇更多網民留言啦！
即刻【按此】，用 App 睇更多產品開箱影片
【熱門報道】
Source：淘寶唔開心share （中伏group)
【相關話題】破地獄同款神台淘寶熱賣
【破地獄｜破地獄同款】港產片《破．地獄》上映以來，話題不斷，甚至引來國內戲迷專程來港觀影。同時，記者發現最近在淘寶上出現多個店家推出破地獄同款神台紀念品，可以「來圖訂製」，甚至尺碼都有大中細選擇。聖誕新年，係咪可以買番個比身邊嘅生人？
Source：ezone.hk