近來香港天氣乍暖還寒，加上佳節當前，相信不少港人都有跟親朋好友一同打邊爐，令聚會氣氛更佳。日前（8 日）有網友在 Threads 出 post 表示自己是「鍾意打邊爐每一樣食材都要精準控制淥熟嘅時間，啱啱好就要食」的人，甚至 pro 得自製打邊爐計時器，紀錄響鈴、肥牛等大路食材的最佳「烚吓烚吓」時間，認真識食！
即刻按此，用 App 睇更多產品開箱影片
網友自製超 Pro 打邊爐計時器
日前（8 日）有網友在 Threads 出 post 尋找同路人，提到自己「鍾意打邊爐每一樣食材都要精準控制淥熟嘅時間，啱啱好就要食，如果唔係直程覺得係暴斂天物」的人，因此他更 pro 得「vibe code 咗計時器專 for 打邊爐用」，紀錄響鈴、肥牛等大路食材的最佳「烚吓烚吓」時間之外，從影片更見其細分肉類、海鮮、豆製品及丸類等項目，而每項目都包括最少 3、4 種主流食材，可謂對打邊爐有一份莫名的執着。
好評之中都有負評？
雖然打邊爐某程上是很 free style 的事情，例如肥牛是自己喜歡灼幾成熟都可以，想響鈴硬一點就不放在爐中這麼長時間等，但不少網民看到這個 post 後都覺得是偉大發明，「好正！淥海鮮好需要！」、「太好啦 終於唔洗成日問老母熟未」、「好正！特別係淥過龍會老個啲料真係會 Google 幾多秒熟再用 timer」、「我覺得幾得意，如果可以有埋影相配合厚度整埋種類嘅話應該會更加實用」，以及「實唔實用我唔知 ，但我而家見到想即刻打邊爐」。之不過，有部分留言有感這個計時器會帶給人「好大壓力」、「10 秒內心算都得啦，3 秒都要計撳得嚟已經熟咗」、「切厚啲薄啲大啲細啲已經會唔同……」，還有有人笑指「響鈴你㩒個掣果下已經輸咗一秒」，未必做到樓主所提這麼精確。
預告即將面世
Comment 之中沒錯是正評、負評都有，但最重要的 comment，可能是樓主預告「加多少少功能就會面世」及「乜嘢電話都用到，因為暫時係 web app」，將自己的心機跟大家開心 share。有興趣的朋友不妨 bookmark 這個 post，他表明有最新消息都會在同一個 post 公布。
【熱門報道】
【精選消息】
Source: Threads