近年學車人數有增無減是不爭的事實，在港九新界街頭總有「學神」出沒。據非官方統計，在香港學車，考生平均考兩至三次才能及格，如果大家是「學神」的話，未知大家會給自己多少次機會報考駕駛考試呢？最近有一位網民就考了 8 次自動波私家車車牌，可是樓主考了 8 次後，仍是「肥佬」不及格收場，教樓主（或駕駛導師、考牌主任）情何以堪呢。
【相關報道】
【相關報道】
樓主考 8 次自動波私家車車牌「肥佬」的原因，可謂層出不窮，包括：「考天才波肥咗筆試」、「衰超速」、「冇打燈、睇鏡就 cut 線」、「轉彎撞咗上壆」等，第 8 次自動波私家車車牌也以失敗告終，是考牌主任「基於公眾安全嘅考慮，終止駕駛考試」，並載回樓主返到試場，而原來過程中，樓主在斜路起步時，鬆手掣後忘記踏油門被考官踏停，以及出現衝黃燈被考官在黃格踏停等情況，更嚴重的是，樓主見到行人突然走出時，「個腦一篇空白唔識畀反應喺度尖叫，再被考官踏停」。
考試後，樓主的駕駛導師雖直言：「不如搵過第二個師傅教，我唔識教」，但樓主繼續為「好唔好認真考埋下一次」而感到忐忑。不過一眾網民看到樓主的經歷後，大多數坦言：「你唔適合揸車，講完」、「咁你真係唔應該揸車，唔只係唔適合咁簡單 lol」外，也表示感受得到駕駛導師的無奈，以及作為考牌主任的危險性。
由於自動波私家車車牌是被公認為最易考的香港車牌，因此有網民知道樓主考 8 次自動波私家車車牌都「肥佬」收場，也笑指「考個廢牌都 8 次」、「自動波車已經唔洗踩離合器真係算好易開，斜路起步都出錯真係算你好嘢，比你 pass 咗真係多咗粒移動式炸彈出嚟」，以及着樓主「不如慳返排期錢搭巴士」、「都係安份做乘客啦！」、「喺香港無車牌係唔使死嘅」。
精選網民留言：
- 你唔適合揸車，講完
- 其實你咁樣係危害緊所有人安全囉，有人衝出黎你只係識尖叫呢點，就證明你唔應該揸車
- 好彩你考咁多次都考唔到
- 有無人諗過主角係男
- 自動波考 8 次都唔得，仲要錯埋曬啲基本嘢，遇到突發狀況唔係踩煞車而係尖叫，真係當我求下你呢世都唔好再揸車，自動波車已經唔洗踩離合器真係算好易開，斜路起步都出錯真係算你好嘢，比你 pass 咗真係多咗粒移動式炸彈出嚟
- 咁你真係唔應該揸車，唔只係唔適合咁簡單 lol
- 仲想考下次？睇來唔係個天針對你，似你針對緊個天多啲
- 原來考牌官係高危工種
- 考個廢牌都 8 次
- 我感受到師傅的無奈 lol
【相關報道】
【相關報道】
CUHK Secrets Facebook