因應 YouTube Premium 會按貨幣匯率，在不同地區設定不同價格，所以有些用家會「跨區訂 YouTube Premium」，可以更便宜的價錢享用同一服務。不過最近有網民在 Threads 出 post，呻自己經第三方平台訂閱 YouTube Premium，想着可享有這種差價福利，豈料會籍在付款後兩個月已經失效，且向第三方平台追討款項都投訴無門。
即刻按此，用 App 睇更多產品開箱影片
貪平經第三方平台訂閱 YouTube Premium 中伏
最近有網民在 Threads 出 post，提到自己在去年 10 月 20 日經一個名為 InfinityHK 的第三方平台訂閱 YouTube Premium，想着自己可以享有「跨區訂 YouTube Premium」的貨幣匯率差價福利，豈料會籍在付款後兩個月的 12 月 19 日已經失效。是故樓主即時通知 InfinityHK，但僅獲自動回覆，要求登記補償，直至 12 月 23 日獲告知可轉為家庭計劃。他本以為問題有望解決，然而等到 12 月 29 日都是音訊全無，「12 月 30 日再次查詢，才獲回覆稱將於 1 月 1 日處理，惟內容仍為自動回應，未提供具體處理安排或時間表。」想不到的是，樓主等待至今年 1 月 7 日都無任何消息之外，還要從朋友方面得知 InfinityHK 已在 WhatsApp 群組公布完成所有補償，收到退款為 TRY799.99（約 HK$144.6），惟其從未得到任何通知。簡單而言是樓主要求的退款，仍為石沉大海。
網友絕不同情樓主所為
雖然樓主在 comment 都提「純粹出 post 等各位唔好好似我咁貪雞唔到蝕拃米，畀 200 蚊用 2 個月」，但一眾網友並沒有同情樓主所為，坦言「貪字得個貧」、「比唔起咪睇廣告囉」、「你呢啲貪小便宜嘅 X 樣今次唔中呢樣下次都中第二樣架啦，畀少少錢當買個教訓囉」，亦不明白樓主何解要經第三方平台購買，「想問下 YouTube 本身唔係就可以買？ 點解要第 2 度買」？以及「公開事件證明俾全世界睇你係傻仔」？
類似第三方平台行家建議這樣做
縱然樓主所為確是有自討苦吃的成分，但這個 post 並非一面倒地嘲笑其貪心、貪小便宜，另有類似涉事第三方平台的行家留言分析樓主 YouTube Premium 極速被 cut 原因：「佢係用土耳其地區畀錢，但係最近土耳其、尼日利亞、印度都大量清退，基本上檢測到你唔係當地人就會自動退出或者暫停會員」。這留言亦提，「買了 1 年個人版的話，問咗好多同行同埋我自己都係收返全部錢返嚟，google 如果收咗你 100 蚊，用咗半年之後佢檢測到你唔係當地人，佢都係會退返 100 畀你」，只不過「基本上好多同行包括我都唔會退返全部畀個客，因為我哋自己都有營運成本」。不過這位行家亦着樓主「如果係用網上轉帳，個人建議即刻網上電子報案」，其後「CID 會搵佢，如果佢都係唔肯做嘢，警方會通知收款銀行暫停有關戶口（即係凍結），到時候基本上會中咗 AML，佢都應該好難有得再用返收錢嘅銀行。」
【熱門報道】
.
【精選消息】
Source: Threads